ગૌરવ / ખેડૂતની દીકરી બની યોગ ક્વીન, એશિયન ગેમ્સમાં જીત્યા 2 ગોલ્ડ મેડલ

મન મક્કમ હોઈ... ઈરાદા બૂલંદ હોઈ... તો કોઈની પણ તાકાત નથી કે સફળતાની સિડી સુધી પહોંચતા તમને રોકી શકે. આવું જ કાંઈક કરી બતાવ્યું છે ગુજરાતની યોગા ક્વીન ભારતીએ. બાંગ્લાદેશમાં ઢાકામાં યોજાયેલી એશિયન ગેમ્સમાં ગુજરાતની ભારતીએ ગોલ્ડ, બોન્ઝ અને સિલ્વર એમ ચાર મેડલ હાંસિલ કરી દેશનું નામ રોશન કર્યું છે. 

એશિયન ગેમ્સ પ્રતિયોગિતામાં કુલ 8 દેશોએ ભાગ લીધો હતો. જેમાં ભારતીએ એક નહીં પરંતુ બે-બે ગોલ્ડ મેડલ હાંસલ કરી દેશનો ઝંડો સૌથી ઉપર લહેરાવ્યો. દીકરીની આશા તો એવી પણ છે કે, Olympic માં પણ યોગને સ્થાન મળે અને તેમાં પણ તે દેશને વિજય અપાવે. 

ગુજરાતની આ દીકરીના જીવન વિશે વાત કરવામાં આવે તો ગીર સોમનાથના લાટી ગામની વતની ભારતી એક ખેડૂત પરિવારમાંથી આવે છે. ભારતીના માતા-પિતાની ખેતી કરી તેને ભણાવે છે. તેમની સ્થિતિ એટલી પણ સારી નથી કે, તે ભારતીને કોઈ સારામાં સારી સ્કૂલમાં ભણાવી શકે. પરંતુ ભારતીના ઈરાદા મજબૂત હતા અને તેનું જ પરિણામ છે કે, આ દીકરીએ માતા-પિતાનું તો નામ રોશન કર્યું જ. 

આ સાથે-સાથે રાજ્ય અને દેશનું નામ પણ રોશન કર્યું છે. ભારતીની આ જીતને લઈને માત્ર તેના પરિવારમાં જ નહીં પરંતુ લાટી વાસીઓમાં પણ અનેરો ઉત્સાહ જોવા મળી રહ્યો છે.. ભારતી પરત ઘરે ફરી તો સૌકોઈએ તેનું વાજતે-ગાજતે સ્વાગત કર્યું અને તેની આ સફળતાને વધાવી. 

આપને જણાવી દઇએ કે, ભારતની સિદ્ધિઓ અંગે વાત કરવામાં આવે તો આ પહેલા પણ ભારતી ઇન્ટરનેશન લેવલ પર યોગા ક્ષેત્રે સિદ્ધિ હાંસલ કરી ચૂકી છે. 2018માં મલેશિયા ખાતે ચેમ્પિયન ઓફ ધ ચેમ્પિયનનો એવોર્ડ પણ પ્રાપ્ત કરી ચુકી છે. અત્યાર સુધીમાં ભારતી આશરે 35 જેટલા મેડલ મેળવી ચુકી છે જેમા 20 ગોલ્ડ મેડલ સામેલ છે. 

પરંતુ દુખની વાત એછે કે, આ દિકરીને પ્રધાનમંત્રીના હસ્તે સમ્માન સિવાય કશું જ મળ્યું નથી. ત્યારે આશા રાખીએ કે, રાજ્ય સરકાર માત્ર ગૌરવ ન લે પરંતુ ગૌરવ અપાવતી દીકરીઓને એવું સમ્માન આપે જેથી કરીને જિંદગી ભર તેના ઈરાદા મક્કમ રહે અને ગુજરાતનું નામ રોશન કરતી રહે.