જો તમે રોજ અલગ અલગ યોગાસનો કરવા નથી માંગતા તો આજે અમે તમને એક એવા યોગાસન વિશે જણાવીશું, જેને કરી લેશો તો તમારે અલગ અલગ યોગાસનો નહીં કરવા પડે. ચાલા જાણીએ.
રોજ અલગ અલગ યોગાસનો ન કરવા હોય તો આ એક યોગાસન કરો
રોજ આ આસન કરી લેશો તો રોગો રહેશે દૂર
જીવનભર નિરોગી રહેવા યોગ કરવા જરૂરી છે
આજે એટલે કે 21 જૂને વર્લ્ડ યોગા ડે છે. સમગ્ર વિશ્વમાં આ દિવસ ખૂબ જ સારી રીતે સેલિબ્રેટ કરવામાં આવે છે. ત્યારે આ નિમિત્તે અમે તમને આસનોમાં સૌથી બેસ્ટ એવા સૂર્ય નમસ્કારના ફાયદા જણાવીશું. સૂર્ય નમસ્કાર 12 યોગાસનને મળીને બને છે. જો રોજ સવારે ખાલી પેટ 20 મિનિટ સૂર્ય નમસ્કાર કરવામાં આવે તો શરીરને અનેક હેલ્થ પ્રોબ્લેમ્સથી બચાવી શકાય છે. આ બોડીને ફિટ રાખવા માટે ખૂબ જ ઈફેક્ટિવ માનવામાં આવે છે.
સૂર્ય નમસ્કાર કરવાના ફાયદા
સૌથી પહેલાં તો તમને જણાવી દઈએ કે સૂર્ય નમસ્કાર એક એવો આસન છે જેને કરી લેવાથી આખા શરીરની કસરત થઈ જાય છે.
આ આસન રોજ 10 મિનિટ કરી લેવાથી ડાઈજેશન સારું રહે છે અને કબજિયાત, એસિડિટીમાં આરામ મળે છે.
સૂર્ય નમસ્કાર કરવાથી પેટના મસલ્સ મજબૂત થાય છે અને પેટ પરનો ફેટ પણ દૂર થાય છે.
આ આસન રોજ કરવાથી શરીરમાં ઓક્સીજન અને લોહીનું પરિભ્રમણ સુધી છે. બોડી ડિટોક્સ થાય છે.
સૂર્ય નમસ્કાર નર્વસ સિસ્ટમને સુધારે છે. તેનાથી સ્ટ્રેસ પણ દૂર થાય છે.
આ આસન રોજ કરવાથી બોડી ફ્લેક્સિબલ અને લચીલી બને છે.
મહિલાઓ માટે પણ આ બેસ્ટ છે. તેમના પીરિયડ્સ રેગ્યુલર થઈ જાય છે.
પીઠ માટે પણ આ આસન ખૂબ જ સારું છે. તેનાથી કરોડરજ્જૂ મજબૂત બને છે.
સ્કિન માટે પણ આ ખૂબ જ સારું છે. તેનાથી ચહેરાનો તેજ અને ગ્લો વધે છે.
સૂર્ય નમસ્કાર કરવાની રીતઃ
જમીન પર આસન પાથરી સીધા ઉભા થઈ જાઓ.
હવે શ્વાસ અંદર લેતાં બંને હાથ ઉપર ઉઠાવો.
શ્વાસ છડતાં બંને હથેળીઓને જોડીને છાતી સામે તરફ રાખી પ્રણામ મુદ્રામાં આવો.
હવે શ્વાસ અંદર લેતાં બંને હાથ પાછળ તરફ લઈ જવા.
શ્વાસ બહાર કાઢતાં કરોડરજ્જૂ ટટ્ટાર રાખીને આગળની તરફ ઝુકો.
સંપૂર્ણ રીતે શ્વાસ બહાર કાઢી બંને હાથના પંજાને જમીન પર ટેકો.
હવે શ્વાસ લેતાં શક્ય હોય એટલો તમારો જમણો પગ પાછળની તરફ ખેંચો. જમણા ઘૂંટણને જમીન પર ટેકવો અને ઉપરની તરફ જોવું.
પછી શ્વાસ લેતાં તમારો ડાબો પગ પણ પાછળની તરફ લઈ જાઓ.
હવે આરામથી બંને ઘૂંટણ જમીન પર ટેકો અને શ્વાસ છોડો.
હિપ્સને ઊંચા કરી આગળની તરફ સરકવું. છાતી અને હડપચી જમીન પર ટેકો અને ભુજંગાસનમાં છાતી ઉઠાવો.
શ્વાસ બહાર કાઢતાં હિપ્સ અને પીઠના હાડકાંને ત્રિકોણ બને તે રીતે ઉપર ઉઠાવો.
શ્વાસ અંદર લેતાં જમણો પગ બે હાથની વચ્ચે લાવો. ડાબો ઘૂંટણ જમીન ઉપર ટેકો.
શ્વાસ કાઢતાં ડાબો પગ આગળ લાવો અને હથેળીઓ જમીન પર રાખો.
શ્વાસ અંદર લેતાં ડાબો પગ આગળ લેવો. પીઠના હાડકાંને ઉપર ઉઠાવી આગળ તરફ ઝુકો. હથેલીઓ જમીન ઉપર રાખવી.
શ્વાસ બહાર કાઢતાં શરીરને સીધું કરો અને પછી બંને હાથ નીચે લાવવા.
આ સ્થિતિમા આરામ કરો અને પછી પછી આ રીતે 5-10 વાર કરવું.