ગીતની માત્ર એક ઝલકમાં તમે માનુષીની આંખનું તેજ જોઈ શકો છો. આ ગીતના ટીઝરમાં અક્ષયની પણ ઝલક જોવા મળી રહી છે.
પૃથ્વીરાજ ફિલ્મનાં ગીતનું ટીઝર રીલીઝ
રૂંવાડા ઉભા થઈ જાય તેવો અભિનયને જોઈને પ્રશંસકો બન્યાં દીવાના
ગીતના ટીઝરમાં અક્ષય કુમારની પણ ઝલક દેખાઈ
અક્ષય કુમારની ફિલ્મ પૃથ્વીરાજના ગીત 'યોદ્ધા'નું ટીઝર રિલીઝ
અક્ષય કુમારની ફિલ્મ પૃથ્વીરાજના ગીત યોદ્ધાનું ટીઝર રિલીઝ થયુ છે. યોદ્ધા ગીતના ટીઝરમાં માનુષી છિલ્લરનો અજબ ગજબ અવતાર જોવા મળી રહ્યો છે. માનુષી આ ગીતમાં યોદ્ધાના અવતારમાં સંપૂર્ણ રીતે સ્વીચ કરતી જોવા મળી રહી છે. એવામાં પ્રશંસકો અભિનેત્રીના અભિનયના દીવાના થઈ ગયા છે. ડાન્સ કરતી વખતે માનુષીના એક્સપ્રેશન સારા છે. ગીતની એક માત્ર ઝલકમાં જ માનુષી તેની આંખો વડે જ બધુ દર્શાવી રહી છે. આ ગીતના ટીઝરમાં અક્ષય કુમારની પણ ઝલક દેખાઈ રહી છે. પૃથ્વીરાજના પાત્રમાં અક્ષય અને સંયોગિતાના પાત્રમાં માનુષી છિલ્લરની જોડીના ખુબ વખાણ થઇ રહ્યાં છે.
અક્ષય કુમાર શું કહ્યું?
અક્ષય કુમારે આ ટીઝરને પોતાના સત્તાવાર એકાઉન્ટ પર શેર કર્યું છે. વીડિયો શેર કરી અક્ષય કુમારે કેપ્શનમાં લખ્યું કે, ગાથા ગરિમા અને શૌર્યની, હવે આ ગીતના સાક્ષી બનો. યોદ્ધા આખુ ગીત જુઓ થિયેટરમાં. ફિલ્મ હિન્દી અને તેલુગૂમાં રિલીઝ થઈ રહી છે. આવો સમ્રાટ પૃથ્વીરાજ ચૌહાનના નામનો જશ્ન મનાવીએ YRF50ની સાથે. 3 જૂને ફિલ્મ પૃથ્વીરાજ રિલીઝ કરવામાં આવી રહી છે.
ઉલ્લેખનીય છે કે આની પહેલા અક્ષય કુમારની આ ફિલ્મનું એક અન્ય ગીત પણ રીલીઝ કરવામાં આવ્યુ હતુ - હદ કરદે પિયા. આ ગીતમાં અક્ષય કુમાર અને માનુષી છિલ્લરે સાથે હોળીનો તહેવાર ઉજવી રહ્યાં હતા. ગીતમાં માનુષી લાલ રંગનો ઘાઘરો અને ચોલી પહેરીને લીન થઈને નાચતી ગાતી અને હોળીનો ગુલાલ ઉડાડતી જોવા મળી રહી છે. આ પોસ્ટને શેર કરી કેપ્શનમાં અક્ષય કુમારે લખ્યું હતું કે, સમ્રાટ પૃથ્વીરાજ ચૌહાન અને રાજકુમારી સંયોગિતાની સાથે મળીને રંગોનો આનંદ માણીએ, સેલિબ્રેટ કરો અને જુઓ હદ કરદે ગીતનું ટીઝર. આખા ગીતને તમે સિનેમાધરોમાં જ જોઈ શકો છો. આ ફિલ્મ હિંદી, તમિલ અને તેલુગૂમાં રિલીઝ થવા જઈ રહી છે.