આજકાલ યો યો હની સિંહ ચર્ચાઓમાં જોવા મળી રહ્યા છે. તેઓની એક પોસ્ટ સોશિયલ મીડિયા પર તેમના બોડી ટ્રાન્સફોર્મેશનને કારણે વાયરલ થઇ રહી છે. જુઓ આ પોસ્ટ
યો યો હની સિંહની પોસ્ટ વાયરલ
બોડી ટ્રાન્સફોર્મેશનને કારણે ચર્ચામાં
જાણો લોકોનાં રિએક્શન
યો યો હની સિંહની પોસ્ટ વાયરલ
યો યો હની સિંહ એક મશહૂર બોલિવુડ સિંગર છે. હની સિંહ પોતાના શાનદાર રેપીંગ સ્ટાઈલ માટે ઓળખાય છે. ગયા દિવસો હની સિંહની પત્ની શાલિની સિંહે તેમના ઉપર ઘરેલૂ હિંસાનો આરોપ લગાવ્યો હતો, જ્યાર બાદ સિંગર ચર્ચામાં આવી ગયા હતા. આવામાં હવે યો યો હની સિંહ એક વાર ફરી લાઇમલાઇટમાં આવી ગયા છે. જોકે આ વખતે તેઓ કોઈ ઝઘડાને કારણે નહિ, પરંતુ પોતાના જબરદસ્ત બોડી ટ્રાન્સફોર્મેશનને કારણે ચર્ચામાં છે. હની સિંહનો એક લેટેસ્ટ ફોટો સોશિયલ મીડિયા પર આજકાલ ખૂબ જ વાયરલ થઇ રહ્યો છે, જેને જોઇને બધા હેરાન રહી ગયા છે.
આ ફોટો ખુદ હની સિંહે પોતાના ઇન્સ્ટાગ્રામ અકાઉન્ટ પર શેર કર્યો છે. ફોટોમાં તમે જોઈ શકો છો કે હની સિંહ ઘણા સ્લીમ ટ્રીમ અને ફીટ જોવા મળી રહ્યા છે. આ ફોટોમાં તેમના બાયસેપ્સ પણ જોવા મળે છે. આંખોમાં ચશ્માં અને ગ્રીન ફૂટવેર સાથે હની સિંહનો ઓવરઓલ લૂક શાનદાર જોવા મળે છે. હની સિંહનાં કેપ્શન પરથી જાણી શકાય છે કે આ સમયે તેઓ પોતાની કોઈ ઇવેંટ માટે હૈદરાબાદમાં છે.
જાણો લોકોનાં રિએક્શન
હની સિંહની તસવીર પર ફેંસથી લઈને સ્ટાર્સ પણ કોમેન્ટ્સ કરી રહ્યા છે. તેમની આ તસવીર પર જેજી બી, સારા ગુરપાલ, જસ્સી સિદ્ધુ જેવા સ્ટાર્સની કોમેન્ટ જોવા મળે છે. એક સોશિયલ મીડિયા યુઝરે ફોટો પર કમેન્ટ કરતા લખ્યું છે કે કિંગ ઈઝ બેક, તો કોઈ બીજાએ લખ્યું છે કે પાપા તુસ્સી કમાલ દીખ રહે હો. આ પ્રકારે લોકો યો યો હની સિંહની પોસ્ટ પર પ્રેમ વરસાવી રહ્યા છે.