કોર્ટ / યશ બેન્કના પૂર્વ CEO રાણા કપૂરને 11 માર્ચ સુધી EDની કસ્ટડીમાં મોકલાયા

• રાણા કપૂરને શનિવારે સવારે પૂછપરછ માટે ઇડીની ઓફિસમાં લઇ જવામાં આવ્યા હતા
• મુંબઇની વિશેષ કોર્ટે રાણા કપૂરને ત્રણ દિવસ માટે ઇડીની કસ્ટડીમાં મોકલવાના આદેશ આપ્યા
• ઇડીએ રાણા કપૂરની મની લોન્ડ્રિંગના કેસમાં ધરપકડ કરી હતી

ઇડીએ તેઓની મની લોન્ડ્રિંગના કેસમાં ધરપકડ કરી હતી. કપૂરને શનિવારે સવારે પૂછપરછ માટે ઇડીની ઓફિસમાં લઇ જવામાં આવ્યા હતા. તપાસમાં સહયોગ નહીં કરવા પર તેમની ધરપકડ કરવામાં આવી. 

ED એ શનિવારે રાતે 3 વાગે રાણા કપૂરની ધરપકડ કરી હતી. સૂત્રોને મળતી માહિતી અનુસાર રાણા કપૂર પર આરોપ છે કે તેણે ઘણી શેલ કંપનીઓનું ગઠન કર્યું છે, જેમાં લાંચથી મળેલી રકમનું સેટિંગ કરી શકાય. ED પાસે આ વાતના પૂરાવા છે કે DHFL ને રાણા કપૂરની મદદથી લોન આપવામાં આવી, જ્યારે DHFL તેની ચૂકવણી કરવામાં નિષ્ફળ રહી હતી. 

ED પાસે રાણા કપૂરની પૂછપરછ કરવા માટે દસ્તાવેજ પુરતી માત્રામાં છે. સૂત્રોના જણાવ્યા મુજબ માત્ર DHFL નહી પરંતુ ઘણી બીજી કંપનીઓને લોન આપવામાં આવી છે. આશ્ચર્યની વાત એ છે કે યસ બેંકે આ કંપનીઓને લોન આપી જે પોતે મુશ્કેલીમાં ચાલી રહી હતી. હવે ED આ વાત અંગેની તપાસ કરી રહી છે કે શું રાણા કપૂર અને બીજા બેંક અધિકારીઓને તેને લઇને કોઇ લાંચ મળી છે. 

એવો આરોપ લગાવામાં આવ્યો છે કે આ જટીલ નાણાકીય પ્રક્રિયા હેઠળ કોર્પોરેટ ઓફિસોમાંથી રાણા કપૂરની દિકરીઓને લાભ (કીકબેક) મળ્યું. એવુ માનવામાં આવમાં આવી રહ્યું છે કે DHFL દ્વારા DoIT અર્બન વેંચર નામની કંપનીને 600 કરોડ રૂપિયાની લોન કિકબેક જ હતી, જે યસ બેંકમાંથી મળેલી લોન ન ચૂકવવા બદલ મળી હતી. ED હવે આ તમામ મુદ્દાઓની તપાસ કરી રહ્યું છે.