ફટકો / ઉદ્યોગપતિ અંબાણીની મુશ્કેલી વધી, તેમની મુંબઈ ઓફિસ પર આ બેંકે કર્યો કબ્જો

• યસ બેંકના 2892 કરોડ રુ.નુ દેવું નહીં ભરવાના કારણે થઈ જપ્ત
• ADAGની આ ઓફિસ 21, 432 સ્ક્વેર મીટરમાં છે
• યસ બેન્કના કબ્જામાં ADAGની 3 સંપત્તિ આવી ગઈ છે.

પીટીઆઈએ જણાવ્યું છે કે અનિલ ધીરુભાઈ અંબાણી ગ્રુપની હેડ ઓફિસને ભાડે આપવા માંગતુ હતું જેથી તેઓ બેંકનું દેવુ ચુકવી શકે. આ ઓફિસ 21, 432 સ્ક્વેર મીટરમાં છે.

વધુ બે સંપત્તિ પર કબ્જે

યસ બેંકે રિલાયન્સ ઈન્ફ્રાસ્ટ્રક્ચર દ્વારા ચૂકવણી ન થવાને કારણે દ. મુંબઈના 2 ફ્લેટ પર કબ્જો કર્યો છે. 2 સંપત્તિ દ. મુંબઈના નાગિન મહેલમાં છે. બન્ને ફ્લેટ ક્રમશઃ 1717 સ્ક્વેર ફુટ અને 4936 સ્ક્વેર ફુટ છે. યસ બેન્કના કબ્જામાં 3 સંપત્તિ આવી ગઈ છે.

ઉલ્લેખનીય છે કે એડીએજીની લગભગ તમામ કંપનિઓ સાંતાક્રુઝની હેડ ઓફિસ રિલાયન્સ સેન્ટરથી કાર્યરત હતી. જો કે છેલ્લા કેટલાક વર્ષો દરમિયાન કંપનીનું દેવાળુ નીકળી રહ્યુ છે. જેથી કંપનીને ભાગીદારી વેચવી પડી હતી.

યસ બેંકે રિલાયન્સ ઈન્ફ્રાસ્ટ્રક્ચરને 2,892.44 કરોડ રુપિયા ચુકવવાની નોટિસ ફટકારી હતી. 60 દિવસ મળ્યા છતાં તેમણે દેવુ ચુકવ્યુ નહોતુ. 22 જુલાઈએ રિલાયન્સ ગ્રુપની 3 સંપત્તિ જપ્ત કરી રહી છે. બેંકે સામાન્ય લોકોને ચેતવ્યા હતા કે કોઈ આ કંપની સાથે લેવળદેવળ ન કરે. ઉલ્લેખનીય છે કે યસ બેંકના ડુબવાનું એક કારણ એડીએજી ગ્રુપની કંપનીઓનું દેવું છે.