કાર્યવાહી / દેશનું સૌથી મોટુ બેંકીંગ ફ્રોડ: 34,000 કરોડના કૌભાંડ મામલે EDએ જપ્ત કરી 415 કરોડની સંપત્તિ

• દેશના સૌથી મોટા બેંકીંગ ફ્રોડ કેસમાં ઈડીની મોટી કાર્યવાહી
• યસ બેંક અને ડીએચએફએલ કેસમાં થઈ કાર્યવાહી
• આ કેસમાં 415 કરોડની સંપત્તિ જપ્ત થઈ

યસ બેંક-DHFL કેસમાં ઈડીએ મોટી કાર્યવાહી કરી છે. આ ફ્રોડ સાથે જોડાયેલ બે બિલ્ડરોની 415 કરોડની સંપત્તિ જપ્ત થઈ છે. આ મામલામાં એક દિવસ પહેલા જ ઈડીએ મોટી કાર્યવાહી કરતા અગસ્તા વેસ્ટલેંડ હેલીકોપ્ટર જપ્ત કર્યું હતું. ઈડીએ જે લોકો પર કાર્યવાહી કરી છે, તેના પર મની લોન્ડ્રીંગ અને છેતરપીંડીનો આરોપ છે. 

DHFL ફ્રોડ કેસને દેશનો સૌથી મોટી બેંક ફ્રોડ કહેવાય છે. જે બે બિલ્ડરોની સંપત્તિ જપ્ત થઈ છે, તેમાં સંજય છાબડિયા અને અવિનાશ ભોસલેનું નામ છે. બંનેની ધરપકડ પહેલા જ થઈ ચુકી છે. યસ બેંક-DHFL ફ્રોડનો મામલો 34,000 કરોડ રૂપિયાનો છે.

ED attaches assets worth Rs 415 cr in Yes Bank- DHFL fraud case

Read @ANI Story | https://t.co/3mnSQ6SCNP#ED #yesbank #DHFL #fraudcase pic.twitter.com/8MgpcfxzPP

— ANI Digital (@ani_digital) August 3, 2022

સંજય છાબડિયા રેડિયસ ડેવલપર્સના પ્રમુખ છે, જ્યારે અવિનાશ ભોસલે એબીઆઈએલ ઈંફ્રાસ્ટ્રક્ચરના પ્રમુખ છે. આ બંને બિલ્ડરોની ધરપકડ યસ બેંક-દીવાન હાઉસિંગ ફાઈનાન્સ લિમિટેડ કેસમાં પહેલા જ થઈ ચુકી છે. દેશના સૌથી મોટા બેંકીંગ ફ્રોડના આ કેસમાં 34,000 કરોડની છેતરપીંડીનો આરોપ છે. આ ફ્રોડ કેસમાં 17 બેંકોના કંસોર્સિયમના પૈસા ડૂબ્યા છે. જે કંસોર્સિયમને યુનિયન બેંક ઓફ ઈંડિયાની અધ્યક્ષતામાં બનાવામાં આવ્યું હતું.

આટલી પ્રોપર્ટી થઈ જપ્ત

આ મામલામાં CBI પહેલાથી જ તપાસ કરી રહ્યું છે. ગત અઠવાડીયે CBIએ એક કાર્યવાહીમાં પુણેમાં અવિનાશ ભોસલેની પ્રોપર્ટી પર અગસ્તા વેસ્ટલેંડનું હેલીકોપ્ટર જપ્ત કર્યું હતું. બુધવારે મુંબઈના સાંતાક્રૂઝમાં 1116.5 કરોડ રૂપિયાનું એક લેંડ પાર્યસ, છાબડિયાની કંપનીના 25 ટકા ઈક્વિટી શેરવાળા બેંગલુરુ સ્થિત 115 કરોડ રૂપિયાનું એક લેંડ પાર્સલ, સાંતાક્રૂઝમાં 3 કરોડ રૂપિયાનો ફ્લેટ, છાબડિયા સંબંધિત દિલ્હી એરપોર્ટ પર એક હોટલ જેની કિંમત 13.67 કરોડ રૂપિયા છે અને સંજય છાબડિયાની 3.10 કરોડ રૂપિયાની ત્રણ હાઈ એન્ડ લક્ઝૂરી કાર જપ્ત થઈ છે.