યસ બેંકમાં ખાતામાંથી રૂપિયા કાઢવા માટે લિમિટ રાખવામાં આવતા અમદાવાદમાં આવેલી બેંકની બહાર ખાતાધારકોની લાઈન લાગી છે. ગત મોડી રાતથી ખાતાધારકોની ATMની બહાર લાઈન લાગી છે. ત્યારે હવે બેંકના ATM પણ ખાલી ખમ થયા છે. આ દરમિયાન ખાતેદારોએ પ્રતિક્રિયા આપી છે કે, દેશવાસીઓને ફરી એક વખત બેંકની બહાર લાઈનમાં ઉભા રહેવાનો વારો આવ્યો છે. ફરી એક વખત નોટબંધી કરવામાં આવી હોય તેવુ લાગી રહ્યું છે.
યસ બેંકમાં લાગી લાંબી લાઈનો
નોટબેન જેવી સર્જાઈ પરિસ્થિતિ
રાજકોટમાં આ કારણે બાખડ્યા ગ્રાહકો
RBIએ યસ બેન્ક પર નિયંત્રણ મૂક્યા છે. યસ બેન્કમાંથી એક મહિનામાં 50 હજાર રૂપિયા જ ઉપાડી શકાશે. ત્યારે યસ બેન્ક ઉપર પ્રતિબંધ જાહેર થતા ગ્રાહકો ચિંતામાં છે. બેન્ક ઉપર સવારથી લોકોની લાઈન લાગી છે. હાલ નાણાં ઉપાડવા લોકો લાઇનો લગાવીને ઉભા છે. કોઇને ઘરના કામ માટે તો કોઇને લગ્નપ્રસંગ માટે પૈસાની જરૂર છે. જેને લઇ યસ બેંકના ગ્રાહકો ચિંતામાં જોવા મળ્યા છે.
શું કહે છે ગ્રાહકો?
અમદાવાદમાં યસ બેંક બહાર લાઈનો લાગી છે. બેંકમાં ખાતેદારોને ટોકન અપાયા. ટોકન મુજબ ખાતા ધારકોને નાણાં અપાશે. આ દરમિયાન ખાતેદારોએ પ્રતિક્રિયા આપી છે કે, દેશવાસીઓને ફરી એક વખત બેંકની બહાર લાઈનમાં ઉભા રહેવાનો વારો આવ્યો છે. ફરી એક વખત નોટબંધી કરવામાં આવી હોય તેવુ લાગી રહ્યું છે. યસ બેંકના આ નિર્ણયથી મધ્યમવર્ગના લોકોને મુશ્કેલીનો સામનો કરવો પડશે.
રાજકોટમાં બાખડ્યા ગ્રાહકો
રાજકોટમાં આવેલી યસ બેંકમા ઉગ્ર બોલાચાલી થઈ છે.લાઇનમાં ઉભા રહેવા બાબતે ગ્રાહકો વચ્ચે તકરાર થઈ છે.ગ્રાહકોની અને અધિકારીઓ વચ્ચે પણ ઘર્ષણ થયું છે.ખાતાધારકો અને અધિકારીઓ વચ્ચે બોલાચાલી થઈ છે. ત્યારે પોલીસને આ ઘટનાની જાણ થતા ઘટના સ્થળે પહોંચીને મામલો થાળે પાડેયો છે.