ઓડિસાની રાજધાની ભુવનેશ્વરથી 196 કિમી દુર બાલાસોર જિલ્લાના એક ગામમાં પીળા કલરનો કાચબો દેખાયો છે. પીળા કાચબાની તસવીર સોશ્યલ મિડીયા પર ખૂબ વાયરલ થઇ રહી છે. આ તસવીરને ફોરેસ્ટ ઑફિસર સુશાંત નંદાએ પોતાના ટ્વિટર હેન્ડલ પરથી શૅર કરી છે.
ઓડિસામાં દેખાયો પીળા રંગનો દુર્લભ કાચબો
પીળા કાચબાની આંખો છે ગુલાબી
ફોરેસ્ટ ઑફિસરે શૅર કર્યો વીડિયો
તેમણે કેપ્શન લખ્યું કે, કાલે ઓડિસામાં એક દુર્લભ પીળા રંગના કાચબાને બચાવવામાં આવ્યો છે. કદાચ આ એક અલ્બિનો હતો અને થોડા સમય પહેલા સિંઘના લોકોએ પણ આ પ્રકારના કાચબાનો ઉલ્લેખ કર્યો હતો.
A rare yellow turtle was spotted & rescued in Balasore, Odisha yesterday.
Most probably it was an albino. One such aberration was recorded by locals in Sindh few years back. pic.twitter.com/ZHAN8bVccU
આ વીડિયોમાં દેખાઇ રહેલા કાચબાનો સંપૂર્ણ રંગ પીળો છે. ન્યૂઝ એજન્સી સાથે થયેલી વાતચીતમાં વોર્ડને કહ્યું કે રવિવારે બાલાસોર જિલ્લાા સુજાનપૂર ગામમાં સ્થાનિય લોકો સાથે દ્વારા પીળા કાચબાને બચાવવામાં આવ્યો હતો. તે દરેક લોકો આશ્ચર્ય પામ્યા હતા કારણકે આ પ્રકારનો કાચબો તેમણે ક્યારેય જોયો ન હતો.
આ વાયરલ વીડિયોમાં તમે જોઇ શકો છો કે પીળા રંગનો કાચબો તરી રહ્યો છે. ફોરેસ્ટ ઓફિસરે લખ્યું છે કે જો તમે ધ્યાનથી જોશો તો તેની ગુલાબી રંગની આંખો પણ તમે જોઇ શકશો.
તમને જણાવી દઇએ કે, સોશ્યલ મિડીયા પર આ કાચબાના વીડિયોને ખૂબ પસંદ કરવામાં આવી રહ્યો છે અને લોકો તેના પર કમેન્ટ પણ કરી રહ્યાં છે.