Hit Songs / 2021ના આ 5 Songs જેણે યૂટ્યૂબ પર ધમાકો કર્યો, ઇમરાન હાશમીનું આ સોંગ 100 કરોડ વખત જોવાયું

• 2021ના આ 5 Songs એ યૂટ્યૂબ પર ધૂમ મચાવી
• આ ગીતોના સૂર પર લોકોએ ખૂબ ડાન્સ કર્યો
• આ ગીતોએ લોકોના દિલ પર કર્યુ રાજ 

રોમેન્ટીકથી લઇને રેમ્પ સોન્ગ સુધી યુ-ટ્યુબ દ્વારા લોકોના દિલના તાર છેડવામાં કોઈ કસર છોડી નથી. તો આવો જાણીએ ચાલુ વર્ષે યુ-ટ્યુબ પર કેટલા ગીતોને મળ્યાં સૌથી વધુ હિટ્સ.

બારિશ કી જાએ

ટોપ ફાઈવની આ યાદીમાં પાંચમા નંબરે છે બારિશ કી જાએ. ગીતમાં નવાઝુદ્દીન અને સુનંદા શર્મા છે. આ ગીતમાં નવાઝુદ્દીનનો રોમેન્ટીક અંદાજ છે અને સુનંદાનું બચપનુ. ગીત 27 માર્ચે રિલીઝ થયુ છે. જેને 48 કરોડથી વધુ વખત જોવામાં આવ્યું છે. 

સૈંયા જી

યોયો હની સિંહે આ ગીતની સાથે યુ-ટ્યુબ પર સારી વાપસી કરી છે. આમ તો અત્યારે હિટ નંબર્સ આપનારા નેહા કક્કડના અવાજના ગીતો પણ છે. નુસરત ભરૂચાની અદાઓથી ગીત રોમેન્ટિક બની ગયુ છે અને યો યો હની સિંહની આ એક જાણીતી સ્ટાઈલ પણ છે. ગીત યુ-ટ્યુબ પર 27 જાન્યુઆરીએ રિલીઝ થયુ હતુ. જેને 48 કરોડથી વધુ વખત જોવામાં આવ્યું છે. 

ફિલહાલ 2

ફિલહાલના પહેલા ગીતની જેમ તેમાં પણ અક્ષય કુમાર અને નૂપુર સેનન છે. બંનેની લવ સ્ટોરી જેમાં આ વખતે થોડુ દર્દ પણ પિરસવામાં આવ્યું છે. કદાચ આ દુ:ખ દર્શકોને પંસદ આવી ગયુ છે અથવા એવુ કહો કે નુપુર અને અક્ષયની જોડીએ દર્શકોનું દિલ જીતી લીધુ. 6 જુલાઈએ રિલીઝ થયેલા આ ગીતને 53 કરોડથી વધુ વખત જોવામાં આવ્યું છે. 

પાનીપાની

પ્રખ્યાત રૈપર બાદશાહ એક વખત ફરી યુ-ટ્યુબના બાદશાહ બન્યાં છે. જોકે, તેમનો આ નંબર પ્રથમ નંબરથી ચૂકી ગયો છે. પરંતુ બીજા નંબરે યથાવત છે. 9 જૂને રિલીઝ થયેલા તેમના ગીત પાની પાનીને 64 કરોડથી વધુ વખત જોવામાં આવ્યું છે. ગીતમાં બાદશાહની સાથે-સાથે જેકલીન પણ છે. જે લોકોને દીવાના બનાવી રહી છે. જે ગતિથી ગીતના હિટ્સ વધી રહ્યાં છે તેને જોઈને કહી શકાય કે બાદશાહ ફરીથી પોતાનું સિંહાસન પ્રાપ્ત કરી શકે છે. 

લુટ ગએ

પ્રથમ નંબર પર છે જુબિન નૌટિયાલનું લૂટ ગએ હૈ. આમ તો આ એક ગીત જ છે, પરંતુ થોડી જ મિનિટોમાં તેમાં એક તિવ્ર પ્રેમ કથા દેખાય છે. જેને અંજામ આપે છે ઈમરાન હાશમી અને યુક્તિ. ગીત એટલુ હીટ થયુ છે કે અત્યાર સુધી તેને 100 કરોડથી વધુ વખત જોવામાં આવ્યું છે. 17 ફેબ્રુઆરીએ રિલીઝ થયેલુ ગીત આટલા હિટ્સની સાથે ચાલુ વર્ષે યુ-ટ્યુબ પર રિલીઝ થયેલા ગીતમાં સૌથી વધુ વખત જોવામાં આવેલુ ગીત છે.