માર્કેટ / 2019ના છેલ્લા દિવસે શેરબજાર ડાઉનમાં સેન્સેક્સ-નિફ્ટી રેડ ઝોનમાં રહ્યા

• ર૦૧૯ના આખરી દિવસે શેરબજારની શરૂઆત ઘટાડા સાથે થઇ
• નબળા વૈશ્વિક સંકેતો વચ્ચે આજે સેન્સેકસ ૬૯ પોઇન્ટ ઘટીને ૪૧,૪૮૮ પર
• સેન્સેકસ અને નિફટીમાં ઘટાડાનો દોર ચાલુ રહ્યો

આજે તમામ મુખ્ય સેકટરમાં પ્રોફીટ બુકિંગ જોવા મળી રહ્યું છે. નિફટીના ૧૧માંથી ૧૦ ઇન્ડેકસ રેડ ઝોનમાં છે. બેન્ક નિફટી ૦.ર૦ ટકા તૂટી છે. એફએમસીજી ઇન્ડેકસને બાદ કરતાં તમામ ઇન્ડેકસ રેડઝોનમાં છે. આઇટી, ઓટો અને ફાર્મામાં પણ વેચવાલીનું દબાણ જોવા મળી રહ્યું છે. રિયલ્ટી ઇન્ડેકસમાં ફલેટ ચાલ દેખાઇ રહી છે.

આજના ટોપ ગેનર્સમાં એનટીપીસી, નેસ્લે, એચયુએલ, સનફાર્માનો સમાવેશ થાય છે. જ્યારે ટોપ લુઝર્સમાં ટેક.મહિન્દ્રા, એચડીએફસી, ટાટા સ્ટીલ, રિલાયન્સ ઇન્ડસ્ટ્રીનો સમાવેશ
થાય છે.

ડોલર સામે રૂપિયો આજે પાંચ પૈસા વધીને ૭૧.ર૬ની સપાટીએ ખૂલ્યો હતો.