આજથી 17 વર્ષ પહેલાં 23 માર્ચ 2003ના રોજ રિકી પોન્ટિંગની કાંગારૂ ટીમે બીજી વખત વર્લ્ડ ચેમ્પિયન બનવાનું ભારતનું સ્વપ્ન તોડી નાખ્યું હતું. 23 માર્ચ 2003ના રોજ રમાયેલી આ વર્લ્ડ કપની આ ફાઈનલ મેચમાં ઓસ્ટ્રેલિયાએ સતત બીજી વખત વર્લ્ડ કપ જીત્યો હતો. આ હાર આજે પણ ભારત ભૂલી શક્યું નથી.
2003માં બીજી વખત વર્લ્ડ ચેમ્પિયન બનવાનું ભારતનું સપનું તૂટ્યું હતું
ઓસ્ટ્રેલિયાએ સતત બીજી વખત વર્લ્ડ કપ જીત્યો હતો
આ હાર આજે પણ ભારત ભૂલી શક્યું નથી
સચિન તેંડુલકર, વીરેન્દ્ર સેહવાગ, યુવરાજ સિંહ, સૌરવ ગાંગુલી અને ઝહીર ખાન જેવા સ્ટાર ખેલાડીઓથી સજ્જ આ ટીમ ઇન્ડિયાએ સમગ્ર ટૂર્નામેન્ટમાં શાનદાર પ્રદર્શન કર્યું હતું. સૌરવ ગાંગુલીની કેપ્ટન્સીવાળી ટીમ ઈન્ડિયા 2003ના વર્લ્ડ કપમાં ખિતાબ જીતવા માટે મજબૂત દાવેદાર માનવામાં આવી હતી. પરંતુ ફાઇનલમાં કાંગારૂઓથી એકતરફી હાર મળી હતી.
1983ના વર્લ્ડ કપના 20 વર્ષ બાદ ભારતીય ટીમ 2003 વર્લ્ડ કપની ફાઇનલમાં પહોંચી હતી. આ નિર્ણાયક મેચમાં ભારતે ટોસ જીતી લીધું હતું, પરંતુ ગાંગુલીએ પહેલા બોલિંગ કરવાનો નિર્ણય લીધો હતો.
ઓસ્ટ્રેલિયાએ પહેલાં બેટિંગ કરતાં ભારતીય બોલરોને ઓસ્ટ્રેલિયન ટીમે જબરદસ્ત ધોલાઈ કરીને 50 ઓવરમાં માત્ર 2 વિકેટ ગુમાવીને 359 રનનો મોટો લક્ષ્યાંક આપ્યો હતો. ઓસ્ટ્રેલિયા તરફથી રિકી પોન્ટિંગ અણનમ 140 અને ડેનિયલ માર્ટિને 88 રન બનાવ્યા હતા.
ભારતીય લક્ષ્યનો પીછો કરવા ઉતરેલી ભારતીય ટીમે શરૂઆતમાં જ પડી ભાંગી હતી અને સચિન 4 રન બનાવીને પેવેલિયન પાછો ગયો હતો. સેહવાગ ભારતનો એકમાત્ર બેટ્સમેન હતો જેણે થોડો સંઘર્ષ કર્યો હતો.
સેહવાગે 82 રન ફટકાર્યા પરંતુ બીજો કોઈ પણ બેટ્સમેન ટકીને રમી શક્યો નહીં, જેના કારણે ભારત 39.2 ઓવરમાં 234 રનમાં ઓલઆઉટ થઈ ગયું અને અંતિમ મેચમાં ભારતને 125 રનની કારમી હારનો સામનો કરવો પડ્યો હતો.