શેન વોર્ને 1993માં એશિઝ શ્રેણીમાં માઇક ગેટિંગને 'બોલ ઓફ ધ સેન્ચ્યુરી' નામના ડ્રીમ બોલ પર આઉટ કર્યો હતો. હવે યાસિર શાહે પણ આવા જ બોલ પર કુસલ મેન્ડિસની વિકેટ લીધી હતી.
યાસિર શાહના બોલનો વીડિયો સોશિયલ મીડિયા પર વાયરલ
યાસિરના બોલની તુલના વોર્નની 'બોલ ઓફ ધ સેન્ચ્યુરી' સાથે કરવામાં આવી
અચાનક જ બોલ ટર્ન થઈને ઑફ-સ્ટમ્પ સાથે અથડાયો
પાકિસ્તાની સ્પિનર યાસિર શાહ ઘણી ચર્ચામાં રહ્યો છે. ગાલે ટેસ્ટ મેચના ત્રીજા દિવસે યાસિર શાહે જે પ્રકારે શ્રીલંકાના બેટ્સમેન કુસલ મેન્ડિસને આઉટ આઉટ કર્યો તેનાથી ઓસ્ટ્રેલિયાના દિવંગત સ્પિન લેજન્ડ શેન વોર્નની યાદ આવી ગઈ હતી. યાસિર શાહના બોલની તુલના વોર્નની 'બોલ ઓફ ધ સેન્ચ્યુરી' સાથે કરવામાં આવી રહી છે, જેણે 1993ની એશિઝ શ્રેણી દરમિયાન માઇક ગેટિંગની વિકેટ ઉખાડી ફેંકી હતી.
વિડીયો થયો વાયરલ
આ કમાલ શ્રીલંકાની બીજી ઈનિંગની 56મી ઓવરના પ્રથમ બોલ પર જોવા મળ્યું હતુ. ત્યારે કુસલ મેન્ડિસ 76 પર હતા અને તેમની નજર ત્રણ આંકડા સુધી પહોંચવા પર હતી. બરાબર એ જ વખતે યાસિરનો એક બોલ લેગ સ્ટમ્પની બહાર થ્રો થયો અને અને અચાનક જ બોલ ટર્ન થઈને ઑફ-સ્ટમ્પ સાથે અથડાયો. આઉટ થયા બાદ કુસલ મેન્ડિસને ખૂબ આશ્ચર્ય થયું હતું. યાસિર શાહના બોલનો વીડિયો સોશિયલ મીડિયા પર વાયરલ થઇ રહ્યો છે.
Ball of the Century candidate❓
Yasir Shah stunned Kusal Mendis with a stunning delivery which reminded the viewers of Shane Warne’s ‘Ball of the Century’.#SLvPAKpic.twitter.com/uMPcua7M5E
બીજી ઈનિંગમાં શ્રીલંકાનો સ્કોર 329/9
શ્રીલંકાએ ત્રીજા દિવસની રમતના અંતે નવ વિકેટે 329 રન કર્યા હતા અને તેમની ઓવરઓલ સરસાઈ હવે 333 રનની થઈ ગઈ છે. યાસિર શાહે પાકિસ્તાન તરફથી બીજી ઈનિંગમાં અત્યાર સુધીમાં ત્રણ વિકેટ ઝડપી છે. હવે ચોથા દિવસે જ્યારે રમત ફરી શરૂ થશે, ત્યારે શ્રીલંકાની ટીમ કેટલાક વધુ રન ભેગા કરવા માગશે. તો બીજી તરફ પાકિસ્તાનની ટીમ શ્રીલંકાને જલ્દી જ ઓલઆઉટ કરવા માંગશે. શ્રીલંકા પાસે પ્રભાત જયસૂર્યાના રૂપમાં એક ઈન ફોર્મ બોલર છે જે ચોથી ઈનિંગમાં ખતરનાક સાબિત થઈ શકે છે.
શ્રીલંકાએ પ્રથમ દાવમાં 222 રન બનાવ્યા હતા
પ્રથમ બેટિંગ કરતા શ્રીલંકાની પ્રથમ ઈનિંગ માત્ર 222 રનમાં સમેટાઈ ગઈ હતી. દિનેશ ચાંદિમલે સૌથી વધુ 76 અને માહિષ ટિક્શનાએ 38 રન ફટકાર્યા હતા. પાકિસ્તાન માટે શાહીન શાહ આફ્રિદીએ સૌથી વધુ ચાર ખેલાડીઓને આઉટ કર્યા હતા. આ સાથે જ યાસિર શાહ અને હસન અલીએ બે-બે સફળતા મેળવી હતી.
ત્યાર બાદ બાબરે સદી ફટકારી હતી
જવાબમાં પાકિસ્તાનની પ્રથમ ઈનિંગ 218 રનમાં સમેટાઈ ગઈ હતી. બાબર આઝમે પાકિસ્તાન માટે પ્રથમ ઇનિંગ્સમાં શાનદાર 119 રન બનાવ્યા હતા. બાબરે પોતાની ઈનિંગમાં 244 બોલનો સામનો કર્યો હતો અને 11 ચોગ્ગા ઉપરાંત બે છગ્ગા ફટકાર્યા હતા. શ્રીલંકા તરફથી પ્રભાત જયસૂર્યાએ સૌથી વધુ પાંચ વિકેટ ઝડપી હતી.