BIG BREAKING / ભાજપ છોડીને આવેલા આ દિગ્ગજ નેતાને રાષ્ટ્રપતિ પદ માટે આગળ કરી શકે છે વિપક્ષ, 19 પાર્ટીઓ રાજી

• રાષ્ટ્રપતિ ચૂંટણીને લઇને NCP પ્રમુખે  વિપક્ષીદળોની બેઠક
• યશવંતસિંહાના નામ પર 19 વિપક્ષી દળોની સહમતી-સૂત્ર 
• યશવંતસિંહાએ વિપક્ષી દળના પ્રસ્તાવનો સ્વીકાર કર્યો-સૂત્ર

દેશના નવા રાષ્ટ્રપતિની ચૂંટણી 18 જુલાઈએ યોજાવાની છે, પરંતુ બધાની નજર રાષ્ટ્રપતિ પદના ઉમેદવારો પર છે. આવી સ્થિતિમાં વિપક્ષ તરફથી યશવંત સિન્હા રાષ્ટ્રપતિ પદના ઉમેદવાર હોઈ શકે છે. યશવંત સિન્હા આજે દિલ્હીમાં રાષ્ટ્રપતિ પદના ઉમેદવારને ચૂંટવા માટે વિપક્ષની બેઠકમાં ભાગ લેવાના છે.  

યશવંતસિંહાના નામ પર 19 વિપક્ષી દળોની સહમતી

આ બેઠકમાં ભાગ લેતા પહેલા યશવંત સિન્હાએ ટ્વીટ કર્યું, "TMCમાં મને જે સન્માન અને સન્માન આપ્યું છે તે માટે હું મમતા બેનર્જીનો આભારી છું. હવે સમય છે જ્યારે, એક વિશાળ રાષ્ટ્રીય હેતુ માટે, મારે પક્ષથી દૂર જવું જોઈએ અને વિપક્ષી એકતા માટે કામ કરવું જોઈએ. મને ખાતરી છે કે પાર્ટી મારા આ પગલાને સ્વીકારશે. TMCમાં  આજે મળનારી વિપક્ષની બેઠકમાં રાષ્ટ્રપતિ ચૂંટણીના ઉમેદવાર તરીકે યશવંત સિન્હાના નામનો પ્રસ્તાવ મૂકશે. જાણકારી મુજબ તૃણમૂલ કોંગ્રેસના ટોચના નેતાઓ દ્વારા આ મામલે ચર્ચા કર્યા બાદ સિન્હાએ આ પ્રસ્તાવ પર સહમતિ વ્યક્ત કરી છે.

"I am grateful to Mamataji for the honour and prestige she bestowed on me in TMC. Now a time has come when for a larger national cause I must step aside from the party to work for greater opposition unity..," tweets TMC vice president Yashwant Sinha. pic.twitter.com/caDjxc4fPe

— ANI (@ANI) June 21, 2022

યશવંત સિન્હાએ બેઠક પહેલા ટ્વીટ પાર્ટીના કામથી હટી જવાની જાહેરાત કરી

આ સાથે જ યશવંત સિન્હાએ બેઠક પહેલા ટ્વીટ કરીને મોટા રાષ્ટ્રીય કારણોથી પાર્ટીના કામથી હટી જવાની જાહેરાત કરી હતી.શરદ પવાર, ફારૂક અબ્દુલ્લા અને ગોપાલ કૃષ્ણ ગાંધીએ વિપક્ષની ઓફર ઠુકરાવી દીધી છે. મહાત્મા ગાંધીના પૌત્ર ગોપાલ કૃષ્ણ ગાંધીએ સોમવારે રાષ્ટ્રપતિ પદ માટે પોતાનું નામ સૂચવવા બદલ વિપક્ષી નેતાઓનો આભાર માનતા ચૂંટણી ન લડવાની  ઇચ્છા વ્યક્ત કરી હતી. આવી સ્થિતિમાં હવે વિપક્ષ યશવંત સિન્હાને મેદાનમાં ઉતારી શકે છે.

રાષ્ટ્રપતિ ચૂંટણીને લઇ વિપક્ષીદળોની બેઠક

NCP  પ્રમુખ શરદ પવારે રાષ્ટ્રપતિની ચૂંટણીને લઈને વિપક્ષીદળોની બેઠક બોલાવી છે.  આ બેઠકમાં AIMIM વિપક્ષીદળો સાથે બેઠકમાં જોડાશે. જ્યારે શિરોમણી અકાળી દળ, YSR સહિત દળો ગેરહાજર રહેશે. ઉલ્લેખનીય છે કે, આ અગાઉ 15 જૂને પણ CM મમતા બેનર્જીની આગેવાનીમાં  વિપક્ષાદળોની બેઠક મળી હતી જેમાં CM મમતા બેનર્જીએ AIMIMને  આમંત્રણ નહોતું આપ્યું. 

ત્રણ સંભવિત વિપક્ષી ઉમેદવારોએ નામંજૂર કર્યું

ઉલ્લેખની છે કે,  રાષ્ટ્રપતિના પદ માટે ત્રણ સંભવિત પ્રમુખપદના ઉમેદવારોએ ચૂંટણી લડવાનો ઇનકાર કર્યો હોવાથી, વિરોધ પક્ષોના નેતાઓ 18 જુલાઈની ચૂંટણી માટે સંયુક્ત ઉમેદવારના નામને અંતિમ રૂપ આપવા માટે મંગળવારે (એટલે કે આજે )બપોરે ફરીથી દિલ્હીમાં મળશે. રાષ્ટ્રવાદી કોંગ્રેસ પાર્ટી (NCP)ના પ્રમુખ શરદ પવાર અને જમ્મુ-કાશ્મીરના પૂર્વ મુખ્યમંત્રી ફારૂક અબ્દુલ્લાના ઇનકાર બાદ સોમવારે, પશ્ચિમ બંગાળના ભૂતપૂર્વ રાજ્યપાલ ગોપાલકૃષ્ણ ગાંધીએ પણ આગામી રાષ્ટ્રપતિની ચૂંટણી લડવાની વિપક્ષી પાર્ટીઓના નેતાઓની વિનંતીને ફગાવી દીધી હતી.