મધ્યપ્રદેશનાં રીવાનાં રહેવાસી યશસ્વી મિશ્રાએ માત્ર 1 વર્ષ 4 મહિનાની ઉંમરમાં 195 દેશો અને તેમની રાજધાનીઓનાં નામ યાદ કરી વર્લ્ડ રેકોર્ડ બનાવ્યો છે.
16 મહિનાનાં યશસ્વીએ બનાવ્યો વર્લ્ડ રેકોર્ડ
195 દેશ અને તેમની રાજધાનીઓનાં નામ યાદ કર્યા
આ પહેલા 26 દેશોના ધ્વજોને ઓળખીને બનાવ્યો હતો રેકોર્ડ
16 મહિનાનાં યશસ્વીએ બનાવ્યો વર્લ્ડ રેકોર્ડ
સામાન્ય રીતે એક પરિવાર માને છે કે 1 વર્ષની ઉંમરમાં બાળક શું કરી લેશે, આટલી નાની ઉંમરમાં તો ચાલતા અને બોલતા જ શીખ્યા છે. પરંતુ મધ્યપ્રદેશનાં રીવાનાં રહેવાસી યશસ્વી મિશ્રાએ માત્ર 1 વર્ષ 4 મહિનાની ઉંમરમાં એવું કારનામું કરી બતાવ્યું, જે જાણીને તમે ચોંકી જશો. યશસ્વીએ નાની ઉંમરમાં મોટા મોટા દિગ્ગજોનાં છક્કા છોડાવી દીધા છે. આટલી નાની ઉંમરમાં જ એવી જાણકારી પ્રાપ્ત કરી લીધી છે, જે મોટા મોટા લોકો પણ જાણતા નથી. આ બાળકને લોકો હવે લિટલ ગૂગલ બોયનાં નામથી ઓળખવા લાગ્યા છે.
1 વર્ષની ઉંમરમાં જ બનાવ્યો વર્લ્ડ રેકોર્ડ
યશસ્વીએ દુનિયાના 195 દેશો અને તેમની રાજધાનીઓનાં નામ યાદ કરી વર્લ્ડ રેકોર્ડ બનાવ્યો છે. આ પહેલી વાર નથી, જ્યારે યશસ્વીએ કોઈ રેકોર્ડ બનાવ્યો હોય. આ પહેલા, આ લિટલ ગૂગલ બોયે 1 વર્ષ 2 મહિનાની ઉંમરમાં 26 દેશોના રાષ્ટ્રીય ધ્વજો ઓળખીને વર્લ્ડ બુક ઓફ રેકોર્ડ, લંડનમાં પોતાનું નામ દાખલ કરાવ્યું હતું. આવું કરનાર તે દુનિયાનો સૌથી ઓછી ઉંમરનો બાળક છે.
ઇન્ટરનેશનલ બુક ઓફ રેકોર્ડમાં દાખલ થયું નામ
આ સાથે જ યશસ્વીનું નામ આવું કારનામું કરનાર સૌથી ઓછી ઉંમરનાં બાળકનાં રૂપમાં ઇન્ટરનેશનલ બુક ઓફ વર્લ્ડ રેકોર્ડમાં દાખલ થઇ ચુક્યું છે. આટલી નાની ઉંમરમાં તેને મોટી ઓળખાણ મળી છે. યશસ્વીનાં પરિવારજનો તેની આ સિદ્ધિથી ઘણા ખુશ છે. તે પરિવારની સાથે સાથે રીવા, પોતાના રાજ્ય અને દેશનું નામ પણ રોશન કરી રહ્યો છે. રીવાનો આ લિટલ બોય જેમ જેમ મોટો થઇ રહ્યો છે, તેમ તેમ દુનિયા વિષે પોતાના નોલેજને પણ વધારી રહ્યો છે.