ક્રિકેટ / આ ખેલાડીએ વર્લ્ડ કપમાં હારને કારણે ઈનામમાં મળેલી કાર લેવાનો ઇનકાર કરી દીધો

• અન્ડર 19 વર્લ્ડકપની ફાઈનલમાં બાંગ્લાદેશ સામે હાર્યું હતું ભારત 
• ટૂર્નામેન્ટમાં યશસ્વી જયસ્વાલે કરી ધુઆંધાર બેટિંગ 
• હારથી દુઃખી યશસ્વી ન સ્વીકારી ભેટમાં મળતી કાર  

યશસ્વીએ કહ્યું કે તે પોતે એક નવી કાર લઇ લે અને જૂની કાર ગીફ્ટમાં આપે. નોંધનીય છે કે યશસ્વીના કોચે યશસ્વીને ચેલેન્જ આપી હતી કે જો તે વર્લ્ડ કપમાં સૌથી વધુ રન ફટકારશે તો તેને એક કાર ગીફ્ટમાં આપશે. યશસ્વીએ આ ચેલેન્જ પૂરી કરી અને બેટ્સમેનની લીસ્ટમાં સર્વશ્રેષ્ઠ રહ્યા. 

યશસ્વી ભારે ક્રિકેટ કિટ બેગ લઈને ગ્રાઉન્ડ પર જવામાં તકલીફ થાય છે જેથી તેમના કોચે ગયા વર્ષે જ યશસ્વીને કાર લઇ આપવાનો નિર્ણય લીધો હતો જોકે તે સમયે યશસ્વીનાં 18 વર્ષ પૂર્ણ થયા ન હતા જે બાદ કોચે વર્લ્ડ કપ બાદ યશસ્વીને કાર ભેટ આપવાનો નિર્ણય લીધો. 

યશસ્વીએ કહ્યું કે મને બિલકુલ સારું નથી લાગી રહ્યું કે અમે વર્લ્ડ ચેમ્પિયન બની ન શક્યા જોકે અમે આખી ટૂર્નામેન્ટમાં શાનદાર પ્રદર્શન કર્યું. વધુમાં કહ્યું કે બધુ સારું ચાલી રહ્યું હતું પરંતુ ફાઈનલ મેચમાં જ અમે હારી ગયા. હવે અન્ડર 19 ખતમ થઇ ગયું હવે સિનિયર લેવલની તૈયારી શરુ કરવી  પડશે.