રાજસ્થાન રોયલ્સ અને લખનૌ સુપર જાયન્ટ્સ વચ્ચેની મેચમાં યશસ્વી જેસવાલે એવી સિક્સર ફટકારી કે બોલ મેળાની બહાર જઈ પડ્યો અને પછી બીજો બોલ મંગાવી રમત આગળ વધારવામાં આવી.
રાજસ્થાન રોયલ્સ અને લખનૌ સુપર જાયન્ટ્સ વચ્ચે હતી મેચ
યશસ્વીની સિક્સરથી બોલ થયો ગાયબ
નવો બોલ મંગાવી રમત આગળ વધારવામાં આવી
IPL 2022માં ફેન્સને ઘણી સિક્સર જોવા મળી છે. IPLની 15મી સીઝન આ ટુર્નામેન્ટનાં ઈતિહાસમાં હવે સૌથી વધારે સિક્સરની સીઝન બની ચુકી છે. અ સીઝન પહેલા એક ટુર્નામેન્ટમાં સૌથી વધારે 872 સિક્સરનો રેકોર્ડ હતો, પરંતુ આ વર્ષે આ આંકડો પાર થઇ ચુક્યો છે અને હજુ પણ મેચ બાકી છે. રવિવારે રમવામાં આવેલ મેચમાં રાજસ્થાન રોયલ્સનાં બેટ્સમેન યશસ્વી જેસવાલની એક સિક્સર ચર્ચાનો વિષય બની છે.
યશસ્વીની લાંબી સિક્સરથી ગાયબ થયો બોલ
રાજસ્થાન અને લખનૌ વચ્ચે રમવામાં આવેલ મેચમાં યુવા બેટ્સમેન યશસ્વી જેસવાલે એક આવી જ સિક્સર ફટકારી હતી અને બોલ પાછો મેદાનમાં આવી જ ન શક્યો. રાજસ્થાનની બેટિંગની છઠ્ઠી ઓવરમાં દુશમંતા ચમીરા બોલિંગ કરી રહ્યા હતા. જેસવાલે આ પવારમાં પોતાના બેટથી બોલને સ્ટેડિયમથી બહાર જ ફટકારી દીધો. જેસવાલે ટાઈમિંગ સાથે 103 મીટર લાંબી સિક્સર ફટકારી. બોલ સ્ટેડિયમની બહાર ગયા બાદ અમ્પાયરે બીજો બોલ માંગી રમત આગળ વધારવી પડી.
IPLની સૌથી લાંબી સિક્સર
IPL 2022માં સૌથી લાંબી સિક્સર ફટકારવાનો રેકોર્ડ પંજાબ કિંગ્સનાં બેટ્સમેન લિયામ લિવિંગસ્ટનને નામ છે. લિયામ લિવિંગસ્ટને મોહમ્મદ શામીનાં બોલ પર IPL 2022ની સૌથી લાંબી સિક્સર ફટકારી હતી. લિયામ લિવિંગસ્ટને ગુજરાત ટાઈટન્સ સામે રમવામાં આવેલ મેચમાં 117 મીટરની સિક્સર ફટકારી હતી. મુંબઈનાં ડેવાલ્ડ બ્રેવિસે પણ આ સિઝનમાં 112 મીટરની સિક્સર ફટકારી છે.
સીઝન 15માં યશસ્વીનું પ્રદર્શન
યશસ્વી જેસવાલે આ મેચમાં 29 બોલમાં 41 રન બનાવ્યા હતા. આ ઇનિંગમાં તેમણે 6 ચોક્કા અને 1 સિક્સર ફટકારી હતી. યશસ્વીએ IPL 2022માં અત્યાર સુધીમાં 6 મેચમાં 25.50ની સરેરાશે 153 રન બનાવ્યા છે. યશસ્વીને પહેલી વાર 2020માં રમવાનો મોકો મળ્યો હતો. યશસ્વીએ IPL 2021માં પણ શાનદાર પ્રદર્શન કર્યું હતું. આ સિઝનમાં યશસ્વીએ 10 મેચમાં 24.90ની સરેરાશે 249 રન બનાવ્યા હતા.