8 જાન્યુઆરીએ સાઉથ સુપરસ્ટાર યશ પોતાનો 37મો જન્મ દિવસ ઉજવી રહ્યો છે. યશના બર્થડે પર તેમના પ્રશંસકોને એક મોટી સરપ્રાઈઝ મળી છે. રિપોર્ટસ મુજબ 2025માં કેજીએફ 3નુ શુટીંગ શરૂ થઇ શકે છે. આ જાણ્યા બાદ ટ્વિટર પર રોકી ભાઈ ટ્રેન્ડ કરવા લાગ્યા છે.
આજે યશ પોતાનો 37મો જન્મ દિવસ ઉજવી રહ્યો છે
બર્થડે પર તેમના પ્રશંસકોને એક મોટી સરપ્રાઈઝ મળી
2025માં કેજીએફ 3નુ શુટીંગ શરૂ થઇ શકે
યશના બર્થડે પર મોટી જાહેરાત
KGF સ્ટાર યશના વિશ્વભરમાં લાખો-કરોડો પ્રશંસકો છે. યશના બર્થડે પર પ્રશંસકો તેમની પાસે ખાસ જાહેરાતની આશા લગાવીને બેઠા હતા. પણ બે દિવસ પહેલા યશે કહ્યું કે તેઓ જન્મ દિવસે નવી ફિલ્મની જાહેરાત નહીં કરે. યશની આ વાતથી પ્રશંસકોનુ દિલ તુટી ગયુ હતુ. પણ હવે દુ:ખી નહીં ખુશ થવાનો સમય આવી ગયો છે.
2025માં કેજીએફ 3નુ શુટિંગ શરૂ થશે !
યશના 37મા જન્મ દિવસે તેમની ફિલ્મને લઇને એક નવી અપડેટ શેર કરવામાં આવી છે. કેજીએફ 2ના નિર્માતા હોમેબલ ફિલ્મ્સે યશને બર્થ ડે વિશ કરીને કેજીએફ 3ની તરફ ઈશારો કર્યો છે. આ ઉપરાંત અમુક રિપોર્ટસમાં એવુ પણ કહેવાઈ રહ્યું છે કે 2025માં કેજીએફ 3નુ શુટિંગ શરૂ થઇ શકે છે. હોમેબલ ફિલ્મ્સનુ ટ્વિટ જોયા બાદ સોશિયલ મીડિયામાં રોકી ભાઈ ટ્રેન્ડ થવા લાગ્યા છે.
યશે KGF: ચેપ્ટર 2માં પોતાના અભિનયથી લોકોને તાળી પાડવા માટે મજબૂર કર્યા હતા. ફિલ્મને લઇને પ્રશંસકોમાં ખૂબ ક્રેજ જોવા મળ્યો. યશની ફિલ્મે દર્શકોના દિલ પર એવી ઊંડી છાપ છોડી છે કે કેજીએફ 2એ આશરે 1250 કરોડ રૂપિયાનો બિઝનેસ કર્યો. કેજીએફ 2 જોયા બાદ દરેક વ્યક્તિ તેના આગામી પાર્ટની રાહ જોતો હતો.