બર્થ ડે / મિઠાઇની દુકાન ચલાવતા મુંબઇ ભાગી ગયા કરણ જોહરના પિતા, મધુબાલાને કારણે ચમકી હતી કિસ્મત

યશ જોહરે કુછ કુછ હોતા હૈ, કભી ખુશી કભી ગમ, કલ હો ના હો જેવી સુપરહિટ ફિલ્મો પ્રોડ્યુસ કરી. તેમના જન્મદિવસ પર જાણીએ તેમનાથી જોડાયેલી કેટલીક ખાસ વાતો... 

ભારત-પાકિસ્તાનના ભાગલા વખતે યશ જોહરનો પરિવાર દિલ્હી આવી ગયો. અહીંયા આવીને યશ જોહરના પિતાએ 'નાનકિંગ સ્વીટ્સ' નામથી મિઠાઇની દુકાન ખોલી. યશ પોતાના 9 ભાઇ-બહેનોમાં સૌથી વધારે ભણેલા હતા. આજ કારણે તેમને પિતાની દુકાન પર બેસાડવામાં આવ્યા, જેનાથી તેઓ હિસાબ પર ધ્યાન આપી શકે. જોકે યશ જોહરને આ કામ જરાય પસંદ ન હતુ.

યશ જોહરની માતાએ તેમનો સાથ આપ્યો અને કહ્યુ કે, ''તુ મુંબઇ ચાલ્યો જા કેમકે તુ મિઠાઇની દુકાન સંભાળવા માટે નથી બન્યો.'' માતાએ યશને ઘરેથી મુંબઇ મોકલવા માટે ઘરમાંથી ઘરેલા અને રૂપિયા ગાયબ કરી દીધા, જેથી શંકા સિક્યોરિટીવાળા પર ગઇ અને તેની મારઝૂડ કરવામાં આવી, જ્યારે યશની માતાએ દિકરાને રૂપિયાનો જુગાડ કરવામાં મદદ કરી જેથી તે મુંબઇ જઇ શકે.

યશ મુંબઇ પહોંચ્યા પરંતુ શરૂઆતના દિવસોમાં તેમણે ઘણો સંઘર્ષ કર્યો, તેમણે ત્યાં એક જાણીતા ન્યૂઝપેપર માટે ફોટોગ્રાફર બનવા માટે અરજી કરી. આ સમયે ડિરેક્ટર કે. આસિક મુગલ-એ-આઝમની શૂટિંગ કરી રહ્યા હતા.  તેમણે મધુબાલાની એક ફોટો ક્લિક કરી. મધુબાલા વિશે કહેવામાં આવે છે કે, તેઓ પોતાની ફોટો કોઇને ક્લિક કરવા દેતા ન હતા. યશ જોહર તે સમયે અંગ્રેજી બોલી શકતા હતા અને ભણેલા પણ હતા, જેનાથી ઇમ્પ્રેસ થઇને મધુબાલાએ તેમણે ફોટો ક્લિક કરવા માટે પરવાનગી આપી. 

મધુબાલા યશ જોહરથી એટલા ઇમ્પ્રેસ થઇ ગયા કે તેમને પોતાની સાથે ગાર્ડન ફરવા માટે લઇ ગયા, પછી શું હતુ યશ જ્યારે ફોટો ક્લિક કરીને ઑફિસ પહોંચ્યા ત્યારે તેમણે નોકરી મળી ગઇ. યશ જોહર પૂજા પાઠમાં ઘણો વિશ્વાસ કરતા હતા. સવારે તેઓ ન્હાઇને 3 મિનિટ સુધી પ્રાર્થના કરતા હતા, તેમને પોતાના ઘરે એક નાનું મંદિર બનાવીને રાખ્યુ હતુ. તેમની ફિલ્મો પણ ભગવાને ઘણુ મહત્વ આપવામાં આવે છે. 

યશ જોહરે નિર્માતા તરીકે પહેલી ફિલ્મ અમિતાભ બચ્ચન અને શત્રુઘ્ન સિન્હા સાથે દોસ્તાના બનાવી હતી. આ ફિલ્મ સુપર હિટ રહી હતી. જોકે આ પછી તેમની ફિલ્મ ચાલી નહી જેથી તેઓ ફિલ્મ પ્રોડ્યુસ કરવા લાગ્યા અને સાથે જ ઇમ્પોર્ટ-એક્સપોર્ટનો બિઝનેસ પણ કરતા હતા. 

યશ જોહરે કો-પ્રોડ્યુસર તરીકે  દેવાનંદના પ્રોડક્શન હાઉસમાં જોડાઇ ગયા. તેમણે ગાઇડ, જ્વેલથીફ, પ્રેમ પૂજારી, હરે રામા હરે કૃષ્ણા જેવી શાનદાર ફિલ્મોને સિલ્વર સ્ક્રિન પર લાવવા માટે ઘણું યોગદાન કર્યુ. યશ જોહરે વર્ષ 1977માં પોતાની પ્રોડ્કશન કંપની ધર્મા પ્રોડક્શનની શરૂઆત કરી, જે પછી તેમનો દિકરો કરણ જોહર હવે આ પ્રોડક્શન હાઉસ સંભાળે છે.