સલમાન ખાને હાલમાં જ એક સવાલ પૂછ્યો હતો કે અમારી ફિલ્મ સાઉથમાં કેમ ચાલતી નથી. હવે KGF 2નાં સ્ટાર યશે તેમને જવાબ આપ્યો છે. જાણો તેમનું આ પર શું કહેવું છે.
અમારી ફિલ્મો સાઉથમાં કેમ નથી ચાલતી? - સલમાન ખાન
KGF 2નાં સ્ટાર યશે આપ્યો જવાબ
અમારી પણ ઘણી ફિલ્મો ફ્લોપ થઇ છે - યશ
અમારી ફિલ્મો સાઉથમાં કેમ નથી ચાલતી? - સલમાન ખાન
કન્નડ સુપરસ્ટાર યશની ફિલ્મ KGF ચેપ્ટર 2 ત્રણ દિવસની અંદર રિલીઝ થવા જઈ રહી છે. આવામાં KGF 2 ફિલ્મની સાથે સાથે યશ પોતાના નિવેદનોને લઈને છવાયેલા છે. KGF 2 પહેલા સાઉથની ઘણી ફિલ્મો જેવી કે પુષ્પા અને આરઆરઆરે હિંદી દર્શકોનાં દિલ જીત્યા છે અને હિંદી માર્કેટમાં પણ બંપર કમાણી કરી છે.
સલમાન ખાને થોડા દિવસો પહેલા એક ચર્ચા કરી હતી કે આખરે કેમ બોલિવુડની ફિલ્મો સાઉથમાં કમાણી નથી કરી શકતી. સલમાન ખાને ડાયરેક્ટર એસએસ રાજામૌલીની ફિલ્મ RRRની સફળતા પર કહ્યું હતું કે કેમ તેમની ફિલ્મો સાઉથમાં નથી ચાલતી. આ વાતનો જવાબ KGF 2નાં સ્ટાર યશે એક વાતચીત દરમિયાન આપ્યો છે.
સલમાન ખાનને યશનો જવાબ
યશે આ વાત પર જવાબ આપતા કહ્યું છે કે આવું નથી. અમારી પણ ઘણી ફિલ્મો ફ્લોપ થઇ છે. પહેલા અમારી ફિલ્મોને પણ આવી પ્રતિક્રિયા મળતી ન હતી. ત્યાર બાદ ડબ વર્ઝન બનાવવાની શરૂઆત થઇ. શરૂઆતમાં લોકો મજાક ઉડાવતા હતા અને હવે લોકો ડબિંગને સમજી રહ્યા છે.
બાહુબલીને કારણે આમ થયું
યશ આગળ કહે છે કે આ એક રાતમાં શક્ય બન્યું નથી. બાહુબલીને કારણે આમ બન્યું છે. તેઓ કહે છે કે હવે લોકો કન્ટેન્ટ અને બીજી ફિલ્મ સાથે જોડાયેલ બાબતો સમજવા લાગ્યા છે.
KGFએ આપ્યું કમર્શિયલ એન્ગલ
યશે કહ્યું કે KGFએ ફિલ્મને કમર્શિયલ એન્ગલ આપ્યું છે. KGFની સ્ક્રીપ્ટ વાંચીને મને લાગ્યું કે આ ફિલ્મ આખા ભારતમાં જઈ શકે છે. ફિલ્મના નિર્માતા પણ સહેમત થયા. અમે જોર લગાવ્યું અને લોકોએ ફિલ્મને સ્વીકાર કરી.
મેં ઘણી હિંદી ફિલ્મો જોઈ છે - યશ
હિંદી ફિલ્મો પર વાત કરતા યશ કહે છે કે મેં ઘણી હિંદી ફિલ્મો જોઈ છે. સલમાન ખાનનું નામ લેતા તેઓ કહે છે કે અમે હિંદી ફિલ્મો જોઈએ છીએ અને તેમણે ફિલ્મની બીજી બાજુ પણ જોવી જોઈએ.