યશનુ સાચુ નામ નવીન કુમાર ગૌડા છે અને તેના પિતા સરકારી બસ ડ્રાઈવર છે. યશ બાળપણથી જ થિયેટરની દુનિયામાં કઈક કરવા માંગતા હતા. તો ઘરમાંથી 300 રૂપિયા લઇને હૈદ્રાબાદ આવી ગયા હતા અને પ્રયાસ શરૂ કર્યા હતા.
રૉકિંગ સ્ટાર કહેવાતા અભિનેતા યશ હવે કોઈ પણ ઓળખના મોહતાજ નથી. કેજીએફ સીરીઝ બાદ તેમની ગ્લોબલી ફેન ફોલોઈંગ વધી છે. 8 જાન્યુઆરી વર્ષ 1986ના રોજ કર્ણાટકના હાસન જિલ્લાના નાના ગામ ભુવાનાહલ્લીમાં યશનો જન્મ થયો હતો. યશનુ સાચુ નામ નવીનકુમાર ગૌડા છે અને તેના પિતા સરકારી બસ ડ્રાઈવર છે. યશ બાળપણથી જ થિયેટરની દુનિયામાં કઈક કરવા માંગતા હતા. તો ઘરમાંથી 300 રૂપિયા લઇને હૈદ્રાબાદ આવી ગયા હતા અને પ્રયાસ શરૂ કર્યા હતા. પરંતુ ત્યારે કોઈએ કયા વિચાર્યુ હતુ કે આ યુવક એક દિવસ કન્નડ સિનેમાને ગ્લોબલ ઓળખ અપાવશે. જન્મ દિવસના વિશેષ અવસરે તમને જણાવીએ યશની અમુક વાતો.
કેજીએફે બદલ્યું નસીબ
યશે પોતાને મોટો બનાવવા માટે ખૂબ મહેનત કરી. જેની શરૂઆત નાટક બાદ ટીવીની દુનિયા સુધી પહોંચી. યશે વર્ષ 2008માં મોગીના માન્સૂ ફિલ્મથી ડેબ્યુ કર્યુ હતુ. પહેલી ફિલ્મ માટે યશે એવોર્ડ પણ જીત્યો અને ત્યારબાદ ક્યારેય પાછુ વળીને જોયુ નથી. યશે રાજધાની, ડ્રામા, ગુગલી, રાજા હુલી, મિસ્ટર એન્ડ મિસેજ રામાચારી, માસ્ટરપીસ જેવી ફિલ્મોમાં કામ કર્યુ અને દર્શકોનુ દિલ જીત્યુ. પરંતુ જે ફિલ્મે ન માત્ર યશ પરંતુ કન્નડ સિનેમાને નવી ઓળખ આપી, તે કેજીએફ રહી. કેજીએફ બાદ કેજીએફ 2એ બૉક્સ ઓફિસ પર તોફાન મચાવ્યું અને હવે પ્રશંસકો કેજીએફ 3ની રાહ જોઇ રહ્યાં છે.
યશની પત્નીનુ નામ રાધિકા પંડિત છે અને બંનેની કહાની કોઈ ફિલ્મથી ઓછી નથી. સંઘર્ષના દિવસમાં શુટિંગ દરમ્યાન બંને એકબીજાને મળ્યાં અને ધીરે-ધીરે કહાની આગળ વધવા લાગી. બંનેની પહેલી મુલાકાત વર્ષ 2004માં ટીવી શો નંદગોકુલાના સેટ પર થઇ હતી. કહેવામાં આવે છે કે યશે રાધિકાને ફોન પર પ્રપોઝ કર્યુ હતુ. જેનો જવાબ તેમને 6 મહિના બાદ મળ્યો હતો. યશ અને રાધિકાએ 9 ડિસેમ્બર 2016માં બેંગ્લોરમાં લગ્ન કર્યા. રાધિકા અને યશના બે બાળકો છે, જેમાં પુત્રનુ નામ યથાર્થ અને પુત્રીનુ નામ આયરા છે. આ ચારેય હવે બેંગ્લોરના વિન્ડસર મનોરની પાસે પ્રેસ્ટીજ એપાર્ટમેન્ટમાં સાથે રહે છે. મીડિયા રિપોર્ટસ મુજબ યશની નેટવર્થ 57 કરોડ રૂપિયા છે અને કેજીએફ 2 માટે તેમને 30 કરોડ ફી મળી હતી.