yamaha મોટરસાઇકલે કેટલાક પસંદગીના મોટરસાઇકલની કિંમતોમાં વધારો કરી દીધો છે. yamaha એ YZF-R15 V3.0, FZ25, Fazer 25 અને FZ-FI સીરિઝના બાઇકની કિંમતમાં વધારો કર્યો છે. બજેટ રજૂ થયા બાદ કોઇ બાઇક કંપનીએ પોતાના બાઇકની કિંમતોમાં પહેલી વખત વધારો કર્યો છે.
મળતી માહિતી અનુસાર કંપનીએ બાઇક્સની કિંમતોમાં 600 થી 1200 રૂપિયાનો વધારો કર્યો છે. yamaha એ પોતાના પ્રીમિયમ બાઇક YZF-R15 V3.0 ની કિંમતોમાં 600 રૂપિયાનો વધારો કર્યો છે. ત્યારબાદ બાઇકની કિંમતો 1.40 લાખ રૂપિયા થઇ ગઇ છે.
એ વધારા બાદ Yamaha FZ25 અને Yamaha 25 ની કિંમતો 1.34 લાખ અને 1.44 લાખ રૂપિયા થઇ ગઇ છે. જ્યારે Yamaha FZ-FI ની કિંમત 96,180 રૂપિયા અને FZS-FI ની કિંમત 98,180 રૂપિયા થઇ ગઇ છે.
જો કે કંપનીએ તાજેતરમાં લૉન્ચ થયેલ Yamaha MT-15 ની કિંમતોમાં વધારો કર્યો નથી. આ બાઇકની કિંમત 1.36 લાખ રૂપિયા છે. જ્યારે Yamaha R15 ની કિંમતો પણ જે હતી એ જ રાખવામાં આવી છે. Yamaha R15 ની સરખામણી KTM RC 125 સાથે છે. જેની એક્સ શો રૂમ કિંમત 1.47 લાખ રૂપિયા છે.
તો બીજી બાજુ Yamaha એ પોતાની YZF-R15 V1 અને Fazer 150 બાઇક બંધ કરી દીધું છે. કંપનીએ બંને બાઇકને 1 એપ્રિલની ડેડલાઇન બાદ પણ એબીએસની સાથે અપડેટ કર્યું નથી. સેફ્ટી નિયમો પ્રમાણે એબીએસ ફીચર વગર બાઇકનું વેંચાણ કરી શકાતું નહતું.