યામાહા પોતાની બાઈક્સ સાથે અલગ અલગ પ્રકારના એક્સપેરિમેન્ટ કરે છે. હવે યામાહાએ ખુબ જ ખાસ બાઈક લોન્ચ કરી છે. આ બાઈકમાં 2 વ્હીલ આપવામાં આવ્યા છે. ખાસ વાતએ છે કે તેમાં આગળ બે અને પાછળ એક વ્હીલ આપવામાં આવ્યું છે. કંપનીએ યૂકેમાં આ બાઈકની કિંમત જાહેર કરી છે તેની કિંમત 13 499 પાઉન્ડ એટલે કે અંદાજીત 12.39 લાખ રૂપિયા થાય છે.
યામાહાની આ થ્રી-વ્હીલર આ પહેલા અનેક ઓટો શોમાં દેખાઈ ચૂકી છે. બ્રિટનમાં આ બાઈકને ઓનલાઈન બુક કરી શકાશે. ઓનલાઈન બુક કર્યા બાદ કંપની તરફથી તેની અલોટમેન્ટની અંદાજીત તારીખ આપવામાં આવશે. Yamaha Nikenનું ઉત્પાદન કંપનીની જ MT-9ને આધારે બનાવીને કરવામાં આવી રહ્યું છે જેમાં 847ccનું એન્જિન લગાવવામાં આવ્યું છે.
આ એન્જિન 10000 RPM પર 114bHPનો પાવર અને 8500 RPM પર 87.5 Nm ટોર્ક જનરેટ કરી શકે છે. યામાહા નિકેનની સૌથી અલગ બાબતએ છે કે તેમાં આગળની બાજું આપેલા બે વ્હીલ. આ બાઈકનું વજન 263 કિલોગ્રામ છે.
યામાહાએ આ બાઈકના ઉત્પાદન પર કહ્યું કે આ પ્રકારની બાઈક માટે રિસર્ચ અને ડેવલપમેન્ટ અંગે કામ ચાલી રહ્યું છે. કંપની પાસે આવા અનેક થ્રી-વ્હીલર બાઈક છે જેમાં આગળના ભાગમાં બે વ્હીલ આપવામાં આવ્યા હોય. હાલ માર્કેટમાં આ બાઈકને ટક્કર આપે તેવી કોઈ અન્ય કંપનીની બાઈક ઉપલબ્ધ નથી.