મહારાષ્ટ્રના રાયગઢ દરિયા કિનારે એક શંકાસ્પદ બોટ મળી આવ્યા બાદ સુરક્ષા વધારી દેવામાં આવી છે.
મહારાષ્ટ્રના રાયગઢ દરિયા કિનારેથી મળી આવી બોટ
સુરક્ષામાં કરાયો વધારો
એક્શનમાં આવી કેન્દ્રીય એજન્સીઓ
સુરક્ષાના કારણોસર, રાયગઢ જિલ્લામાં બીચ પર સુરક્ષા કર્મચારીઓને તૈનાત કરવામાં આવ્યા છે, જ્યાં ત્રણ AK-47 રાઇફલ સાથે એક શંકાસ્પદ બોટ જપ્ત કરવામાં આવી છે. જણાવી દઈએ કે ગુરુવારે મહારાષ્ટ્રના રાયગઢ કિનારે 16 મીટર લાંબી એક શંકાસ્પદ બોટ મળી આવી હતી, જેમાં ત્રણ એકે-47 રાઈફલ અને કારતૂસ રાખવામાં આવ્યા હતા.
Maharashtra | Morning visuals of a seashore in Raigad district where a suspicious boat with three AK-47 rifles was seized, yesterday pic.twitter.com/tg3i1hqNXQ
અધિકારીઓના જણાવ્યા અનુસાર આ યાટની માલિક ઓસ્ટ્રેલિયન મહિલા છે. જો કે, આ ઘટનાથી કોઈ સુરક્ષા ખતરો નથી અને હજુ સુધી આતંકવાદ સાથે કોઈ જોડાણ બહાર આવ્યું નથી, અધિકારીઓએ જણાવ્યું હતું. દહીંહાંડી અને ગણેશ ઉત્સવોને ધ્યાનમાં રાખીને બોટમાં હથિયારો મળી આવતા લોકોમાં ભયનો માહોલ સર્જાયો છે.
સમગ્ર મામલે કેન્દ્રીય એજન્સીઓ થઈ દોડતી
ઉલ્લેખનીય છે કે મહારાષ્ટ્રના નાયબ મુખ્ય મંત્રી દેવેન્દ્ર ફડણવીસે ગુરુવારે જણાવ્યું હતું કે રાયગઢ કિનારેથી જે બોટ મળી હતી તે ઓસ્ટ્રેલિયન મહિલાની છે. આ બોટમાંથી કેટલાક સેમી-ઓટોમેટિક હથિયારો મળી આવ્યા છે. ફડણવીસે રાજ્યની વિધાનસભાને માહિતી આપી હતી કે ખરાબ હવામાનને કારણે હોડી રાયગઢ કિનારે બેકાબૂ થઈ ગઈ હતી. તેમણે વધુમાં કહ્યું કે, 'રાયગઢ કિનારે મળી આવેલી બોટ ઓસ્ટ્રેલિયન મહિલાની માલિકીની છે. બોટમાંથી કેટલાક અર્ધ-સ્વચાલિત હથિયારો મળી આવ્યા છે. સમગ્ર મામલે કેન્દ્રીય એજન્સીઓ અને રાજ્ય પોલીસે આ મામલે તપાસ શરૂ કરી છે.
ઓસ્ટ્રેલિયન મહિલાની નાવ હોવાનો થયો ખુલાસો
ફડણવીસે કહ્યું કે આ ઘટનાનો આતંકવાદ સાથે કોઈ સંબંધ નથી. આ યાટનો કેપ્ટન ઓસ્ટ્રેલિયન મહિલાનો પતિ હતો. મહારાષ્ટ્રના ગૃહ વિભાગના પ્રભારી એવા ફડણવીસે જણાવ્યું હતું કે, "યાટનું નામ લેડી હાન છે અને તે હાના લોર્ડ ઓર્ગન નામની ઓસ્ટ્રેલિયન મહિલાની માલિકીની છે. તેઓ યુરોપ જઈ રહ્યા હતા. 26 જૂન, 2022 ના રોજ, સવારે 10 વાગ્યે, બોટનું એન્જિન બગડી જવાને કારણે તેમણે ખલાસીઓએ મદદ માટે બોલાવ્યા હતા.