નાણામંત્રી નિર્મલા સીતારમણે મંગળવારે રાજ્યસભામાં ચાઈનીઝ કંપનીઓના ટેક્સ ચોરીને લઈને આપવામાં આવેલી નોટિસ અંગેની જાણકારી આપી હતી.
ચાઈનીઝ કંપનીઓ પર મોદી સરકારની બાજનજર
ચાઈનીઝ મોબાઈલ કંપનીઓએ કરોડો રૂપિયાની ટેક્સ ચોરી કરી
આ ત્રણ કંપનીઓને નોટિસ ફટકારવામાં આવી
Xiaomi, Vivo અને Oppo નું નામ સ્માર્ટફોન બ્રાંડ તરીકે ઓળખાય છે. આ કંપનીઓ મોટા ભાગે પોતાના ફોન્સને લઈને ચર્ચામાં રહેતી હોય છે. પણ હાલમાં જ ચર્ચામાં આવવાનો વિષય કંઈક અલગ છે. આ તમામ કંપનીઓના નામ ટેક્સ ચોરીના આરોપમાં સામે આવ્યા છે. નાણામંત્રી નિર્મલા સીતારમણે મંગળવારે રાજ્યસભામાં આ વિષય પર જાણકારી આપી હતી.
તેમણે જણાવ્યું હતું કે, સરકાર ત્રણેય ચાઈનીઝ કંપનીઓ પર ટેક્સ ચોરીના આરોપ પર નજર રાખીને બેઠી છે. તેમણે જણાવ્યું છે કે, Xiaomi, Vivo અને Oppoને આ મામલે નોટિસ પણ મોકલી દેવામાં આવી છે.
Oppo પર 4389 કરોડની ટેક્સ ચોરીનો આરોપ
ડિપાર્ટમેન્ટ ઓફ રેવેન્યૂ ઈંટેલિજેંસે મોબાઈલ નિર્માતા કંપની ઓપોને 4389 કરોડ રૂપિયાની નોટિસ જાહેર કરી છે. આ નોટિસ મિસ ડિક્લેરેશનના કારણે કસ્ટમ ડ્યૂટીમાં શોર્ટ પેમેન્ટના આધારે આપવામાં આવી છે. નાણામંત્રીએ જણાવ્યું છે કે, અમારુ માનવું છે કે, ટેક્સ ચોરી લગભગ 2981 કરોડ રૂપિયાની છે.
Xiaomi પર પણ આરોપ
તેમણે કહ્યું કે, ઈંપોર્ટેડ ગુડ્સ પર કસ્ટમ ડ્યૂટી પેમેન્ટ મામલામાં અમને લાગે છે કે, 1408 કરોડ રૂપિયાની ચોરી છે. સીતારમણે શાઓમી પર પણ જાણકારી આપી છે. શાઓમી ભારતમાં Redmi, Poco અને MI ( Xiaomi) બ્રાંડ્સના ફોન્સની ડીલ કરે છે. તેમણે જણાવ્યું છે કે, શાઓમી પર લગભગ 653 કરોડ રૂપિયાની ડ્યૂટી બાકી છે. ત્રણ નોટિસના બદલામાં ફક્ત 46 લાખ રૂપિયા ડિપોઝીટ કર્યા છે.
વીવો પણ તપાસના દાયરામાં
આ લિસ્ટમાં ત્રીજૂ નામ છે વીવોનું. વીવોને પણ 2217 કરોડ રૂપિયાના ડિમાન્ડ નોટિસ ફટકારવામાં આવી ચુકી છે. કંપનીએ 60 કરોડ રૂપિયાની વોલંટરી ડિપોઝિટ કર્યા છે. નાણામંત્રીએ જણાવ્યું છે કે, આ ઉપરાંત ઈડી 18 અન્ય કંપનીઓની તપાસ પણ કરી રહી છે. આ ગ્રુપ વીવોએ બનાવ્યું છે.