IPLIN
 

ટેક્નોલોજી / Xiaomiએ ભારતમાં લોન્ચ કર્યું WiFi રાઉટર, એકસાથે કનેક્ટ થશે 64 ડિવાઈસ, આટલી છે કિંમત

Team VTV 12:53 PM, 22 Jan 20
Follow us
Xiaomi Mi Router 4C launched in India, priced at Rs 999

Xiaomi આજકાલ તેના પ્રોડક્ટ રેન્જમાં વધારો કરવાનો પ્રયાસ કરી રહી છે. કંપનીએ હવે ભારતમાં Mi Router 4C લોન્ચ કર્યો છે. આ રાઉટર ખાસ ઓમનીડાયરેક્શનલ એન્ટેની 2.4Ghz વાઈફાઈ બેન્ડ સાથે આવે છે. રાઉડર 300Mbps સુધીની ઈન્ટરનેટ સ્પીડ ઓફર કરે છે. કંપનીએ ગયા વર્ષે ચીનમાં આ રાઉટર લોન્ચ કર્યો હતો અને હવે ભારતમાં પણ તે ઉપલબ્ધ છે.

શાઓમીએ ભારતમાં લોન્ચ કર્યું વાઈફાઈ રાઉટર

આ રાઉટરની એક ખાસિયત એ છે કે, આ બેન્ડવિડ્થ ઓપ્ટિમાઈઝેશન ટૂલ અને પેરન્ટલ કંટ્રોલ ફીચર સાથે આવે છે. Mi રાઉટર 4Cમાં આ બધાં ફીચરને Miના વાઈફાઈ એપ્લિકેશનથી કંટ્રોલ કરી શકાય છે. 

Mi રાઉટર 4Cમાં મીડિયાટેક પ્રોસેસર

શાઓમીના આ રાઉટર 2.4Ghz વાઈફાઈ 802.11ની સાથે આવે છે. જેના કારણે આ 300Mbps સુધીની સ્પીડ ઓફર કરે છે. 64MB DDR2 RAM અને 16MB નોર ફ્લેશ ROMથી સજ્જ આ રાઉટરમાં મીડિયાટેક MT7628N પ્રોસેસર આપવામાં આવ્યું છે. રાઉટરને ઓપરેટ કરવા માટે જરૂરી Mi WiFi એપ એન્ડ્રોઈડ અને આઈઓએસ સ્માર્ટફોન્સને સપોર્ટ કરે છે. 

64 ડિવાઈસ સાથે કરી શકશે કનેક્ટ

શાઓમી મુજબ, આ રાઉટરથી એકવારમાં 64 ડિવાઈસ કનેક્ટ કરી શકાય છે. જે કોઈપણ સામાન્ય રાઉટરથી 8 ગણું વધારે છે. રાઉટરમાં QoS (ક્વોલિટી ઓફ સર્વિસ) ટૂલ પણ આપવામાં આવ્યો છે. જેનાથી યુઝર જરૂર પ્રમાણે બેન્ડવિડ્થને મેનેજ કરી શકે છે. રાઉટરમાં આપેલાં વાઈફાઈ ઓપ્ટિમાઈઝેશન ફીચરથી વાઈફાઈ સ્પીડને વધારવાની સાથે વીક બેન્ડવિડ્થ સાથે પણ ડીલ કરી શકે છે. આમાં તમને એક બિલ્ટ-ઇન રિપીટર મોડ પણ મળે છે, જેના દ્વારા રાઉટરનું કવરેજ વધારી શકાય છે.

કેટલી છે કિંમત

ભારતમાં શાઓમીનું આ એકમાત્ર રાઉટર ઉપલબ્ધ છે અને તેનું વેચાણ પણ શરૂ થઈ ગયું છે. ભારતમાં આની કિંમત 1199 રૂપિયા છે, પણ હાલ તેની પર 17 ટકાનું ડિસ્કાઉન્ટ મળી રહી છે. ડિસ્કાઉન્ટ પછી તેની કિંમત ઘટીને 999 રૂપિયા થઈ ગઈ છે. આ રાઉટર હાલ વ્હાઈટ કલરમાં જ ઉપલબ્ધ છે અને તેની ડિલીવરી 3 દિવસમાં થઈ જાય છે. 

Launch Xiaomi Mi Router 4C new router Features 300Mbps speed
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ