થોડા મહિના પહેલાં શાઓમીએ 200 વોટ વાયર્ડ ચાર્જિગ અને 120 વોટ વાયરલેસ ચાર્જિગ ટેકનિક રજૂ કરી હતી. કંપનીએ આ ટેકનિકને હાઈપરચાર્જ ફાસ્ટ ચાર્જિગ નામ આપ્યું હતું.
Xiaomi Mi MIX 5 સ્માર્ટફોનમાં હશે 200W ફાસ્ટ ચાર્જિગ ફીચર
જૂન 2022થી હાઈપરચાર્જ ટેકનોલોજીનું માસ પ્રોડક્શન થશે શરૂ
આ ઉપરાંત શાઓમી મી મિક્સ 5 ફોનમાં મળશે આ સુવિધાઓ
આશા સેવાઈ રહી હતી કે કંપની પોતાના ભવિષ્યમાં આગામી ફ્લેગશિપ સ્માર્ટફોનમાં આ ફીચરનો ઉપયોગ કરશે. જ્યારે હવે રિપોર્ટમાં સામે આવ્યું છે કે જૂન 2022થી શાઓમી હાઈપરચાર્જ ટેકનોલોજીનું માસ પ્રોડક્શન શરૂ થવા જઈ રહ્યું છે.
શાઓમી મી મિક્સ 5 ફોનમાં મળશે સુવિધા
એક રિપોર્ટ મુજબ, આ ટેકનિકને આવતા વર્ષે Xiaomi Mi MIX 5 સ્માર્ટફોનમાં આપી શકે છે. એટલેકે 2022માં આવનારો શાઓમી મી મિક્સ 5 કંપનીનો પ્રથમ ફોન હશે, જે 200W ફાસ્ટ ચાર્જિગ સપોર્ટ કરશે. જોકે, તેમાં 120 વોટ ફાસ્ટ વાયરલેસ ચાર્જિગની સુવિધા આપવામાં આવશે નહીં. જેની જગ્યાએ ફોનમાં 50 વોટ વાયરલેસ ચાર્જિગનો સપોર્ટ મળશે.
8 મિનિટમાં ફૂલ ચાર્જ થઈ જશે ફોન
ઉલ્લેખનીય છે કે, શાઓમી HyperCharge 200W વાયર્ડ ચાર્જિગ સોલ્યુશનને 4000mAhની બેટરીને 50 ટકા ચાર્જ કરવામાં ફક્ત 3 મિનિટ થાય છે. જ્યારે કંપનીનો દાવો છે કે આ બેટરીને 100 ટકા ચાર્જ કરવામાં ફક્ત 8 મિનિટનો સમય લાગે છે. તો 120W વાયરલેસ ફાસ્ટ ચાર્જિગ દ્વારા 4000mAhની બેટરીને 10 ટકા ફક્ત એક મિનિટમાં ચાર્જ કરી શકાય છે. જ્યારે આ 7 મિનિટમાં 50 ટકા અને 15 મિનિટમાં 100 ટકા ચાર્જ થઈ જશે.
શાઓમી મી મિક્સ 4 ફોન ફાસ્ટ ચાર્જ ટેકનિકની સુવિધાથી સજ્જ
તાજેતરમાં લોન્ચ કરાયેલા શાઓમી મી મિક્સ 4 સ્માર્ટફોનમાં 120 વાયર્ડ ફાસ્ટ ચાર્જિગ ટેકનિક આપવામાં આવી છે. જે ગયા વર્ષે Mi 10 અલ્ટ્રાની સાથે રજૂ કરવામાં આવી હતી. આ અત્યારે તૈયાર સૌથી ફાસ્ટ સ્માર્ટફોન ચાર્જિગ સોલ્યુશન છે. આ ટેકનોલોજી સ્માર્ટફોનની 4,500mAhની બેટરીને સામાન્ય મોડમાં 21 મિનિટમાં અને બૂસ્ટ મોડમાં 15 મિનિટમાં ફૂલ ચાર્જ કરી નાખે છે.