Xiaomi Mi A3ના પહેલી સેલનું આયોજન 23 ઓગસ્ટે શુક્રવારે કરાયું હતું. પહેલી સેલમાં ફોનનું વેચાણ બપોરે 12 વાગ્યે શરૂ કરાયું હતું. જ્યારે 23 ઓગસ્ટે જ 8.00 વાગ્યે ફરીથી સ્માર્ટફોનની સેલ શરૂ કરાઇ હતી. ત્યારે કંપનીએ ફરી સેલનું આયોજન કર્યું છે.
Xiaomi Mi A3ના સેલ અંગે કંપનીનો દાવો છે કે બંને વાર સેલ દરમિયાન આ સ્માર્ટફોનને સારી પ્રતિક્રિયા મળી હતી. હવે કંપનીએ જાણકારી આપી છે કે હવે પછીની સેલ 27 ઓગસ્ટના દિવસે રાખવામાં આવશે. પહેલી સેલ બાદ બીજી સેલનું આયોજન એમેઝોન ઇન્ડિયા, શાઓમીની સાઇટ અને મી હોમ સ્ટોર્સ પર કરવામાં આવશે.
Xiaomi Mi A3 બે વેરિએન્ટ્સ 4GB રેમ અને 64GB સ્ટોરેજ અને 6GB રેમ અને 128 GB સ્ટોરેજમાં આવે છે. તેની કિંમત ક્રમશ: 12,999 રૂપિયા અને 15,999 રૂપિયા રાખવામાં આવી છે.
ગ્રાહક સેલ દરમિયાન આ બંને જ વેરિએન્ટ્સને More than While, Not Just Blue અને Kind Of Grey કલર ઓપ્શનમાં ખરીદી શકશે. Mi A3 માટે Xiaomiએ HDFC સાથે ભાગીદારી કરી છે. જે હેઠળ ગ્રાહકોને 750 રૂપિયાનું કેશબેક મળશે. આ ઓફરનો લાભ ગ્રાહક HDFC ક્રેડિટ કાર્ડ દ્વારા ઉઠાવી શકે છે. સાથે જ ગ્રાહક EMI ટ્રાન્ઝેક્શન પર 250 રૂપિયાનું એક્સ્ટ્રા ડિસ્કાઉન્ટનો લાભ પણ મેળવી શકે છે. એટલે કે તમે HDFC ક્રેડિટ કાર્ડ યૂઝર છે તો આ સ્માર્ટફોનને 11,999 રૂપિયામાં ખરીદી શકે છે.
નોંધનીય છે કે, બેકની ઓફર માત્ર મર્યાદિત સમય માટે ઉપલબ્ધ છે. આ ઉપરાંત એરટેલ યૂઝર્સ 249 રૂપિયા સાથે ડબલ ડેટા અને અનલિમિટેડ વોઇસ કોલિંગનો પણ લાભ લઇ શકે છે.
Xiaomi Mi A3ના સ્પેસિફિકેશન્સની વાત કરી તો તેમા ગોરિલ્લા ગ્લાસ 5 પ્રોટેક્શન, 6.088 ઇન્ચ AMOLED ડિસપ્લે, ક્વાલકોમ સ્નેપડ્રેગન 665 પ્રોસેસર, 6 GB સુધી રેમ, 128 GB સ્ટોરેજ, 7th જનરેશન ઇન ડિસપ્લે ફિંગરપ્રિન્ટ સેન્સર, AI ફેસ અનલોક, 3.5 mm હેડફોન જેક, USB ટાઇપ સી પાર્ટ, રિયરમાં ટ્રિપલ રિયર કેમેરા ( 48 MP સોની IMX586 સેન્સર+ 8MP અલ્ટ્રા વાઇડ એન્ગલ લેન્સ+ 2 MP પોટ્રેટ કેમેરા), 32 MP સેલ્ફી કેમેરા, 4030 mAh બેટરી, ક્વિક ચાર્જ 3.0 સપોર્ટ અને એન્ડ્રોઇડ 9 પાઇ આપવામાં આવ્યું છે.