એપ્પલ સેમસંગ અને વનપ્લસને ટક્કર આપવા xiaomi કરશે આ બ્રાન્ડને લોન્ચ

ભારતમાં શાઓમીએ કેટલાક વર્ષોમાં મિડ રેન્જ અને બજેટ સેગ્મેન્ટના સ્માર્ટફોન બજારમાં સારી પકડ બનાવી છે અને સેમસંગને પણ પાછળ મુકી દીધુ છે. પણ ભારતીય સ્માર્ટફોન બજારમાં શાઓમીના હાઈ એન્ડ સ્માર્ટફોન્સે કોઈ કમાલ નથી બતાવી. ઘણીવાર શાઓમી પણ અહીં પોતાના ફ્લેગશિપ સ્માર્ટફોન્સને લોન્ચ કરતા અચકાય છે. માટે હાલના સમયમાં પ્રીમિયમ સ્માર્ટફોન કેટેગરીમાં એપ્પલ સેમસંગ અને વન પ્લસનો જ દબદબો છે. જેમાં હવે શાઓમી પણ પોતાની એન્ટ્રી મારવાની તૈયારી કરી રહી છે.

આ બ્રાન્ડ માટે કંપનીએ શાઓમીના પ્રોડક્ટ મેનેજર જય માનીને લીડ પ્રોડક્ટ મેનેજનર બનાવ્યા છે. એક ટ્વિટમાં તેઓએ જણાવ્યુ હતુ કે 'હું આ નાની ટીમ સાથે એક નવા પ્રોજેક્ટને લઈ ઘણો ઉત્સાહિત છું. જેના અંતર્ગત એવા પ્રોડક્ટ બનાવી શકીશું જેના સપના જોયા છે. અમે તેને પ્રોજેક્ટ POCO કહીએ છીએ.'

રિપોર્ટ પ્રમાણે શાઓમી ભારતમાં POCO બ્રાન્ડના અંતર્ગત પહેલો સ્માર્ટફોન POCO F1 લોન્ચ કરશે. XDA ડેવલોપર્સની રિપોર્ટ પ્રમાણે સર્ટિફિકેશનથી તે કન્ફર્મ થયું છે કે આ સ્માર્ટફોનમાં ક્વોલ્કોમ સ્નેપડ્રેગન 845 પ્રોસેસર આપવામાં આવશે અને તેમાં ડ્યુઅલ રિયર કેમેરા હશે. આશા કરી શકાય છે કે હાઈ એન્ડ સ્માર્ટફોનથી શાઓમી ભારતીય બજારમાં બીજી કંપનીઓ માટે મુશ્કેલી ઉભી કરી શકે છે.