ચીનની કંપની શાઓમીએ ભારતમાં Mi LED સ્માર્ટ બલ્બ લોન્ચ કર્યો છે. કંપનીનો દાવો છે કે આ બલ્બ ૧૧ વર્ષ સુધી ચાલશે. Mi LED સ્માર્ટ બલ્બ ગૂગલ આસિસ્ટન્ટ અને એમેઝોન એલેક્સાના ઉપયોગમાં વોઇસ કંટ્રોલને સપોર્ટ કરે છે.
આ સ્માર્ટ બલ્બને એમઆઇ હોમ એપ દ્વારા મેન્યુઅલી કંટ્રોલ કરી શકાય છે. તમે કોઇ પણ નિર્ધારિત સમયમાં તેને ઓન કરવાનું શેડ્યૂલ પણ સેટ કરી શકો છો. આ સ્માર્ટ બલ્બ મૂડ અને જરૂરિયાત પ્રમાણે કલર બદલવાની સુવિધા આપે છે. આ ઉપરાંત યુઝર્સ લાઇટના ટેમ્પરેચરમાં પણ બદલાવ કરશે.
૨૬ એપ્રિલથી આ બલ્બ એમઆઇ ડોટકોમ પર ક્રાઉડ ફંડિંગ દ્વારા ઉપલબ્ધ બનશે, જોકે તેની હજુ કિંમત નક્કી કરવામાં આવી નથી. આ ઉપરાંત શાઓમીએ ઓનલાઇન વેચાણ વધારવા માટે આ વર્ષના અંત સુધીમાં ભારતમાં રિટેલ સ્ટોર્સની સંખ્યા વધારીને ૧૦ હજાર કરવાનો લક્ષ્યાંક નિર્ધારિત કર્યો છે. કંપનીએ આજે દેશમાં પોતાનો હજારમો સ્ટોર ખોલ્યો હતો.