એન્ટી ચાઇના સેંટિમેંટના કારણે આ દિવસોમાં ભારતમાં કેટલીક જગ્યાએ ચીનની વસ્તુઓનો વિરોધ કરવામાં આવી રહ્યો છે. કેમ કે ભારતના સ્માર્ટફોન માર્કેટ પર ચીનની કંપનીઓનો કબ્જો છે, જેને લઇને તેના પર અસર પડી શકે છે.
ચીની સ્માર્ટ ફોન મેકર Xiami ભારતમાં નંબર-1 છે. હવે કંપની મોટાભાગના શહેરોમાં નુકસાનથી બચવા માટે પોતાના સ્ટોર્સની આગળ મેડ ઇન ઇંડિયા લગાવાનું શરૂ કરી દીધું છે.
હવે કંપની પોતાના એક્સ્કલૂસિવ સ્ટોર્સમાં મેડ ઇન ઇંડિયાના પોસ્ટર્સ લગાવી રહી છે. ET ના એક રિપોર્ટ મુજબ કંપનીએ પોતાના શોપ ફ્લોર પ્રોમોટર્સમાં શાઓમીનો યુનિફોર્મ ન પહેરવા અંગે જણાવ્યું છે.
દિલ્હી-એનસીઆર, મુંબઇ, ચેન્નાઇ, પટના, આગરા અને પૂના જેવા શહેરોમાં શાઓમી સ્ટોર્સને મેડ ઇન ઇંડિયાના લોગોથી કવર કરી દેવામાં આવ્યાં છે.
ઓલ ઇંડિયા મોબાઇલ રિટેલર્સ એસોસિયેશન (AIMRA) એ શાઓમી, ઓપો, વીવો, વન પ્લસ, રિયલમી, લેનોવા-મોટો અને હુઆવેને પત્ર લખ્યો છે. ઉલ્લેખનીય છે કે ઘણી જગ્યાએ ચીન વિરુદ્ધ પ્રદર્શન થઇ રહ્યાં છે અને ચીનની વસ્તુઓનો બોયકોટ કરવાની માગ કરવામાં આવી રહી છે. આ દરમિયાન કેટલીક જગ્યાઓ પર તોડફોડ અને તાળાબંધી પણ જોવા મળી છે.
આ પત્રમાં રીટેલર્સોને એંટી ચાઇના સેંટિમેંટ દરમિયાન ફિઝિકલ નુકસાનીથી બચવા માટે કેટલાંક મહિના માટે પોતાના બ્રાંડ લોગોને કવર કરવા અંગે જણાવામાં આવ્યું છે.
Xiaomi India ના હેડ મનુ કુમાર જૈને કહ્યું કે બાયકોટ ચાઇના સેંટિમેંટથી શાઓમીના ઇંડિયા બિઝનેસ પર તેની કોઇ અસર જોવા નહીં મળે. હાલમાં પણ શાઓમી પ્રોડક્ટસનું ઘણું વેચાણ થઇ રહ્યું છે.