Xiaomi લોન્ચ કરશે 48 મેગાપિક્સલ કેમેરાવાળો સ્માર્ટફોન

ચીની સ્માર્ટફોન કંપની Xiaomi નવા વર્ષમાં પોતાના યૂઝર્સને એક શાનદાર ગિફ્ટ આપવાની છે રિપોર્ટ્સ અનુસાર કંપની આ હેન્ડસેટને જાન્યુઆરીમાં લોન્ચ કરી શકે છે જેની સૌથી મોટી ખાસિયત છે તેમાં આવેલો 48 મેગાપિક્સલનો કેમેરા. આ સાથે તેમાં MIUI સિસ્ટમનો યૂઝ કરવામાં આવ્યો હશે. Xiaomiના પ્રેસિડન્ટ લિન બિને ચીનના સોશિયલ મીડિયા વીબો પર એક ફોટો શેર કર્યો છે તો ઓક્ટોબર મહિનામાં યોજાયેલા 4G/5G સમિટમાં Xiaomi ઇન્ડિયાના પ્રમુખે જણાવ્યુ કે કંપની આગામી વર્ષે એક સ્માર્ટફોન લોન્ચ કરશે જે સ્નેપડ્રેગન 675 પ્રોસેસર પર વર્ક કરશે અને આ સ્માર્ટફોનમાં 48 મેગાપિક્સલ સેન્સર હશે.

એવું લાગી રહ્યું છે કે મનુ કુમાર જૈન ઔ લિન એક જ સ્માર્ટફોનની વાત કરી રહ્યા છે. આ સ્માર્ટફોનમાં 675 પ્રોસેસર અને 48 મેગાપિક્સલ રિયર કેમેરા હશે. લિવ બિને વીબો પર એક ફોટો પોસ્ટ કરી છે જેમાં સ્માર્ટફોનનો એકભાગ જોવા મળી રહ્યો છે. પોતાના પોસ્ટમાં બિને લખ્યુ છે કે તેઓ ઘણા અઠવાડિયાથી આ ડિવાઇસનો ઉપયોગ કરી રહ્યા છે.

આ સ્માર્ટફોન જાન્યુઆરીમાં લોન્ચ થઈ શકે છે. આ સ્માર્ટફોનના નામ વિશે કોઇ જાણકારી શેર કરવામાં આવી નથી. સ્માર્ટફોન સાથે જોડાયેલા જાણકારીઓ હજુ સામે આવી નથી. ઉલ્લેખનીય છે કે Sonyએ આ વર્ષે જૂનમાં Sony આઇએમએક્સ 586 સેન્સર લોન્ચ કર્યુ હતુ જે 48 મેગાપિક્સલ લેન્સ સાથે આવ્યુ હતુ.
 
Sonyએ આ સેન્સરનું સેમ્પલ મેન્યુફેક્ચરને મોકલ્યુ હતુ. એવું લાગે છે કે Xiaomiએ આ સેન્સર ખરીદવની ઇચ્છા વ્યકત કરી હતી. તેથી વિશેષ Xiaomiના નવા સ્માર્ટફોનમાં સ્નેપડ્રેગન 675 પ્રોસેસર હશે  જેને ક્વોલકોમે ઓક્ટોબરમાં લોન્ચ કર્યુ છ. આ પ્રોસેસર 11NM એલપીપી ટેક્નોલોજી દ્વારા તૈયાર કરાયુ છે.