ભણકારા / ચીની સેનાને જિનપિંગનો આદેશ, કહ્યું એક્શન માટે રહો તૈયાર, શું યુદ્ધની તૈયારીમાં લાગ્યું ડ્રેગન?

• જિનપિંગે યુદ્ધ માટે તૈયાર રહેવા આપ્યો આદેશ 
• ચીનની સુરક્ષા અસ્થિર થઇ રહી છે- જિનપિંગ
• સેનાને એક્શન મોડમાં રહેવા આદેશ

શી જિનપિંગમે સત્તારૂઢ કોમ્યુનિસ્ટ પાર્ટી ઓફ ચીનનાં મહાસચિવ અને કેન્દ્રીય સૈન્ય આયોગનાં પ્રમુખનાં રૂપમાં ફરી એકવાર પાંચ વર્ષ માટે નિયુક્ત કરવામાં આવ્યાં છે. CMCનાં પ્રમુખનાં ત્રીજા કાર્યકાળનો પદભાર સંભાળતા જ જિનપિંગે દુનિયાની સૌથી મોટી સેનાને સંબોધિત કરતાં કહ્યું કે દુનિયા છેલ્લી એક સદીથી ઘણાં પરિવર્તનોમાંથી પસાર થઇ રહી છે જેનાં લીધે ચીનની રાષ્ટ્રીય સુરક્ષા વધી રહેલી અસ્થિરતા અને અનિશ્ચિતતાનો સામનો કરી રહી છે.

જિનપિંગે સેનાને એક્શન મોડમાં રહેવા આદેશ આપ્યો 
રાષ્ટ્રપતિ જિનપિંગે રાષ્ટ્રીય સંપ્રભુતા, સુરક્ષા અને વિકાસ માટે પાર્ટી અને નાગરિકોને વ્યવસ્થિત રીતે કામ કરવા નિર્દેશ કર્યું છે. તો બીજી તરફ સેનાને યુદ્ધની તૈયારી માટે પોતાની તમામ શક્તિ- ઊર્જા લગાવી દેવા માટે પણ આદેશ આપ્યો છે. જિનપિંગે સેનાને એક્શન મોડમાં રહેવા આદેશ આપ્યો છે.

ચીની સેનાને તૈયાર રહેવા આદેશ
શી જિનપિંગે સેનાનાં સંબોધનમાં ટિપ્પણી કરતાં કહ્યું ચીનનાં રિટાયર્ડ વાયુ સેના જનરલ અને સીએમસીનાં પૂર્વ ઉપચેરમેન Xu Qiliangએ કહ્યું કે 'ચીની આર્મીને શાંતિકાળથી યુદ્ધકાળમાં ઝડપથી પરિવર્તન થવા માટે તૈયાર રહેવું જોઇએ.' તેમણે વધુમાં કહ્યું કે 'ચીની આર્મીએ હંમેશા બાણનાં તીરની માફક તૈયાર રહેવું જોઇએ જેથી તે સુનિશ્ચિત થઇ શકે કે સૈનિકો કોઇપણ સમયે લડવા માટે તૈયાર છે.'

આ નિર્ણય પાછળનું કારણ તાઇવાન?
સૂત્રો અનુસાર ચીનનો આ નિર્ણય તાઇવાનનાં વધી રહેલા રાજનૌતિક દખલ, ભારતની સાથે ચીનનાં સીમા વિવાદ અને અમેરિકા સાથે વિભિન્ન મુદાઓને લઇને લીધો હોઇ શકે છે. ઓગસ્ટમાં અમેરિકી સંસદની સદનનાં નેતા નેન્સી પોલિસીની તાઇવાનની યાત્રા બાદ ચીન વધુ સાવચેત થયું છે. ચીનની કડક પ્રતિક્રિયા પછી પણ અમેરિકી નેતા નેન્સી પોલિસી તાઇવાન પ્રવાસે હતાં જેના લીધે ચીને અમેરિકાને કહ્યું કે, 'આગથી રમવું યોગ્ય નથી. '