WWE સુપરસ્ટાર સાંગાએ હાલમાં જાયોન ક્વિનની સામે મેચ દરમ્યાન સાઉથ સાઉથ સુપરસ્ટાર અલ્લુ અર્જુનના લોકપ્રિય પુષ્પારાજના સ્ટેપ કર્યા. તેનો આ વીડિયો ઝડપથી વાયરલ થયો છે.
WWE સુપરસ્ટાર સાંગાએ પુષ્પારાજના સ્ટેપ કર્યા
રેસલર સાંગાએ ઈન્સ્ટાગ્રામ એકાઉન્ટ પર વીડિયો શેર કર્યો
રિંગમાં જાયોન ક્વિનની પિટાઈ કરીને પછાડીને હરાવી દીધો
પુષ્પારાજનો ક્રેઝ હવે ડબ્લ્યુડબ્લ્યુના મંચ પર દેખાયો
ગયા વર્ષે ડિસેમ્બરમાં આવેલી સાઉથ સુપરસ્ટાર અલ્લુ અર્જુનની બ્લોકબસ્ટર ફિલ્મ પુષ્પા ધ રાઈજનો ક્રેઝ અટકવાનુ નામ જ લેતો નથી. આખી દુનિયા આ ફિલ્મમાં અલ્લુ અર્જુનના અંદાજની કાયલ છે. રમત-જગતમાં પણ વિરાટ કોહલીથી લઇને રવિન્દ્ર જાડેજા અને ડેવિડ વોર્નર સુધી અલ્લુ અર્જુનની નકલ ઉતારી ચૂક્યા છે. તો અલ્લુ અર્જુનના પુષ્પારાજનો ક્રેઝ હવે ડબ્લ્યુડબ્લ્યુના મંચ પર દેખાઈ રહ્યો છે. હાલમાં ભારતીય રેસલર સૌરવ ગુર્જર ઉર્ફે સાંગાએ WWEની રિંગમાં મેચ દરમ્યાન 'પુષ્પારાજ ઝુકેગા નહીં'ના સ્ટેપ કર્યા. જેનો આ વીડિયો સોશિયલ મીડિયામાં ઝડપથી વાયરલ થઇ રહ્યો છે.
રેસલર સાંગાએ વીડિયો શેર કર્યો
આ રેસલર સાંગાએ તેના ઈન્સ્ટાગ્રામ એકાઉન્ટ પર આ વીડિયો શેર કર્યો. આ વીડિયોમાં સાંગા મેચ પહેલા પુષ્પારાજ ઝુકેગા નહીંના સ્ટેપ કરી રહ્યો છે અને વીડિયો શેર કરી તેમણે લખ્યું, 'મેં ઝુકેગા નહીં...' ત્યારબાદ તેમણે રિંગમાં જાયોન ક્વિનની સખત પિટાઈ કરી અને ગળુ પકડીને તેને પછાડીને હરાવી દીધો. તેમનો આ વીડિયો સોશિયલ મીડિયામાં ઝડપથી વાયરલ થયો છે અને અત્યાર સુધી 1.1 લાખથી વધુ લોકો તેને લાઈક કરી ચૂક્યા છે.
સૌરવ ગુર્જર વ્યવસાયે પહેલવાન અને અભિનેતા છે. તે પૂર્વ રાષ્ટ્રીય કિકબૉક્સિંગ સ્વર્ણ પદક વિજેતા પણ રહી ચૂક્યા છે. તેમણે હાલમાં WWE NXTમાં સાઇન કરવામાં આવ્યો છે, જ્યાં તે રિંગ નામ સાંગાના નામથી ઓળખાય છે. તેઓ ટીવી શો મહાભારતમાં ભીમના રૂપમાં તેમની ભૂમિકા માટે ઓળખાય છે. સોશિયલ મીડિયામાં તેમની ફેન ફૉલોઈંગ ગજબની છે. ઈન્સ્ટાગ્રામ પર તેમને 745K લોકો ફૉલો કરે છે.