દુનિયામાં કોરોના વાયરસ હાહાકાર મચાવી રહ્યો છે જેના પર અનેક દેશો ચીન પર આરોપ લગાવી રહ્યા છે પરંતુ ચીનને તો જાણે કંઈ અસર જ નથી. ચીનમાં ફરીવાર જીવતા જંગલી જાનવરોનું બજાર ખુલી ગયું છે, આ જ માર્કેટમાંથી કોરોનાનું સંક્રમણ ફેલાયું હતું.
જીવતા જાનવરો અને જીવડાઓનું માંસ વેચાતું થયું
ગાય, ભેંસ, કૂતરાથી લઈને જળચર પ્રાણીઓનું માંસ મળે છે
મૃત જાનવરો તો પાછા અલગથી વેચાય છે
વુહાનમાં જીવતા જાનવરોનું માર્કેટ ફરીવાર ખુલી ગયું છે. આ માર્કેટમાં જીવતા જંતુઓ વેચવા માટે દુકાનદારો પણ દુકાનો સજાવવામાં લાગ્યા છે. જે માર્કેટમાંથી જ કોરોના વાયરસ ફેલાવવાનો દાવો કરવામાં આવ્યો છે તેનાથી થોડા જ અંતરમાં આ નવું માર્કેટ ખોલવામાં આવ્યું છે.
Vendors from Wuhan's infamous live wild animal market linked to COVID-19 have reopened their stalls elsewhere https://t.co/TMicy4IkyC
હુઆનાન સીફૂડ હોલસેલ માર્કેટમાંથી જ કોરોના વાયરસ ફેલાવ્યો હોવાની વાત સામે આવી છે જે બાદ પહેલી જાન્યુઆરીએ આ માર્કેટ બંધ કરી દેવામાં આવ્યું હતું. વુહાનમાં જાનવર બજારમાં 112 પ્રકારનાં જીવતા જાનવરોનાં અંગ અને માંસ મળે છે જ્યારે મૃત જાનવરના અંગો તો અલગથી વેચાય છે.
ચીનની સરકારે આ માર્કેટને બીજા વિસ્તારમાં શિફ્ટ કરી દીધું છે. હવે હુઆનાન સીફૂડ માર્કેટ હાનકોઉં સીફૂડ માર્કેટની સાથે લાગી રહ્યું છે. અહિયાં જીવતી ક્રેફીશ અને શેલ્ફીશ મળે છે. દુકાનદારોને તો આશા છે કે થોડા દિવસમાં તે જૂની જગ્યા પર જ માર્કેટ ખોલી શકશે.
આ માર્કેટમાં તમને મરઘી, ભૂંડ, ભેંસ, ગાય, કોઆલા, કૂતરા, મોર, શાહી, વરુ, બતક, સસલાં, ઉંદર, હરણ, સાપ, કાંગારૂ, મગર, વીંછી, કાચબા, ઊંટ, ગધેડા, દેડકા અને અનેક પ્રકારનાં જીવડાઓનું માંસ મળે છે.
આ માર્કેટમાં એટલી ભીડ અને ગંદકી હોય છે જે ચાલવું પણ મુશ્કેલ છે. દુનિયાભરથી લોકો અહિયાં જાનવરો ખરીદવા આવતા જ હોય છે. વુહાનમાં એક સાથે બધા જ જાનવરો વેચવામાં અવે છે અને બધાને એકસાથે જ કાપવામાં આવે છે. પ્રાણીઓનું લોહી, જીવ-જંતુ, માખીઓ અને બદબૂનાં કારણે અહિયાં કોરોના વાયરસનો ખાતો વધારે છે.
આ માર્કેટમાં માંસાહારી કચરાનાં કારણે અનેક બીમારીઓ ફેલાય તેવી શક્યતા છે. માનવામાં આવે છે કે અહિયાંના જાનવરોનાં કારણે જ કોરોના વાયરસનું સંક્રમણ વધ્યું છે.