માત્ર એક કોરોના વાયરસે સમગ્ર દુનિયાને તાળુ લગાવી દીધુ છે. 30 લાખથની વધુ લોકો સંક્રમિત થયા છે. બે લાખથી વધુ લોકોના મૃત્યુ થયા છે. આ મહામારી વચ્ચે સૌથી મોટા સમાચાર મળી રહ્યાં છે કે ચીનના વુહાન શહેરમાં એ જ લેબમાં કોરોના જેવા જ 1500થી વધુ ખતરનાક વાયરસ છે. વાયરસનો ભંડાર વુહાનની એ જ લેબ વુહાન ઇન્સ્ટીટ્યૂટ ઓફ વાયરોલોજી લેબમાં રખાયો છે જ્યાંથી કોરોનાનો આ વાયરસ ફેલાયો હતો.
ચીનના વુહાન ઇન્સ્ટિટ્યૂટ ઓફ વાઇરોલોજી લેબમાં 1500થી વધુ વાયરસ રાખવામાં આવ્યા છે તેવા અહેવાલ
આ એક લેબ છે જ્યાં તમામ ખતરનાક વાયરસ પર સંશોધન કરવામાં આવે છે
મળતી માહિતી મુજબ ચીનની આ લેબમાં 1500થી વધુ જીવલેણ વાયરસ છે જેના પર ચોક્કસપણે રીસર્ચ ચાલી રહ્યું છે. એક રિપોર્ટમાં દાવો કરાયો છે કે આ લેબમાં એક મોટા ફ્રિજમાં જીવલેણ વાયરસની એક બેંક બનાવવામાં આવી છે એટલું જ નહીં લેબમાં આ વાયરસ પર રિસર્ચ ચાલી રહ્યું છે. જો કે સવાલ એ છે કે દુનિયા પર મહામારી બની ચુકેલા આ વાયરસને અહી કેમ ભેગો કરવામાં આવ્યો છે. જો આ વાયરસ ભૂલથી લીક થઇ જશે તો દુનિયા માટે એક નવો ખતરો બની શકે છે.
USA પ્રમુખ ડોનાલ્ડ ટ્રમ્પને ચીન મુદ્દે અકારણ ચિંતા અને ગુસ્સો નથી. આવા તમામ અહેવાલો કોરોના વાયરસ મહામારીની વચ્ચે આવી રહ્યા છે જેમાં એવો દાવો કરવામાં આવી રહ્યો છે કે ચીનના વુહાન ઇન્સ્ટિટ્યૂટ ઓફ વાઇરોલોજી લેબમાંથી જ્યાંથી કોરોના વાયરસ ફેલાયો છે તેવી ધારણા કરવામાં આવે છે ત્યાં હકીકતમાં 1500થી વધુ વાયરસ રાખવામાં આવ્યા છે.
દાવા મુજબ આ લેબના મોટા ફ્રિજમાં આ જીવલેણ વાયરસોની એક બેંક છે. જ્યાં તેમને રાખવામાં આવ્યા છે. જો કે લેબમાં આ વાયરસ અંગે સંશોધન થઈ રહ્યું છે પરંતુ સવાલ એ છે કે વિશ્વમાં મહામારી લાવનારા આ વાયરસ અહીં કેમ જમા થયા છે. જો તે લીક થાય છે તો તેઓ દુનિયા માટે એક નવો ખતરો બની શકે છે.
બ્રિટિશ મીડિયાના ડેઇલી મેઇલ ગ્રુપનો આ દાવો છે જેઓ વુહાન લેબની અંદરની તસવીરો દુનિયા સામે લાવ્યા છે. જો કે વુહાન ઇન્સ્ટિટ્યૂટ ઓફ વાઇરોલોજીના આ ફોટા અગાઉ પણ બહાર આવી ચુક્યા છે. ત્યારથી તેને એશિયાની સૌથી મોટી વાયરસ બેંક કહેવામાં આવે છે. પરંતુ હવે કોરોના વાયરસના વિનાશ દરમિયાન ચીનની આ વુહાન લેબ શંકાના દાયરામાં છે. આ તસ્વીરોને ચોક્કસ દુર્લભ ફોટોગ્રાફ્સ ગણી શકાય કારણ કે ચીન અને ખાસ કરીને તેની લેબના આવા ફોટા મેળવવા ખૂબ મોટી વાત છે.
વુહાન ઇન્સ્ટિટ્યૂટ ઓફ વાઇરોલોજી એવી એક લેબ છે જ્યાં તમામ ખતરનાક વાયરસ પર સંશોધન કરવામાં આવે છે. બ્રિટિશ અખબારે દાવો કર્યો છે કે આ લેબમાં જે સ્થળોએ વાયરસના નમૂના લેવામાં આવ્યા છે તે ફ્રિજની તૂટેલી સીલને કારણે ત્યાં ચોરી થઈ છે એવા પુરાવા મળ્યા છે જે બાદ હવે એ ડરમાં વધારો થયો છે કે આગામી દિવસોમાં વિશ્વમાં કોરોના જેવો બીજો રોગચાળો જોવા મળી શકે છે. ચીન પણ સવાલોથી ઘેરાયેલું છે કારણ કે કોરોના સિવાય ચીનની આ લેબમાં આવા સેંકડો વાયરસ છે જે માથું ઉચકી શકે છે. જો આમ થયું તો તે વિશ્વ માટે ખૂબ ખતરનાક હશે.