કોરોના વાયરસના કારણે વિશ્વભરમાં હાહાકાર મચી ગયો છે. કોરોના વાયરસના અતિગંભીર પરિણામો મળી રહ્યા છે. વાયરસનાં કારણે શરીરના વિવિધ અંગો પર માઠી અસર પડે છે ત્યારે ચીનના બે તબીબોની ત્વચાનો રંગ કોરોનાની સારવાર દરમિયાન બદલાઈ ગઈ. જે બાદ વિશ્વભરમાં ચકચાર મચી ગઈ છે.
જાન્યુઆરીમાં કોરોના વાયરસની ઝપેટમાં આવ્યા ડૉ યી અને હુ
કોરોના વાયરસની દવાના કારણે હોર્મોન્સમાં આવ્યું અસંતુલન
સારવાર દરમિયાન કાળી પડી ગઈ ત્વચા
કોરોનાની ઝપેટમાં આવ્યા હતા વુહાનના બે ડોકટર
વુહાનના બે ડોકટર સેન્ટ્રલ હોસ્પિટલમાં દર્દીઓની સેવા દરમિયાન જાન્યુઆરી મહિનામાં કોરોના વાયરસની ઝપેટમાં આવી ગયા હતા. ડૉ. યી ફેન અને ડૉ. હુ બંને કોરોના સામે ઝઝૂમી રહ્યાં છે. પરંતુ મહામારી સામે લડતા લડતા આશ્ચર્યજનક રીતે બંને ડોકટરની ત્વચા કાળી પડી ગઈ. કોરોના વાયરસના કારણે શરીરમાં ઘણા બધા ફેરફાર થઇ જાય છે. આ બંને ડૉક્ટર 18મી જાન્યુઆરીના રોજ કોરોના વાયરસની ઝપેટમાં આવી ગયા હતા.
બહુચર્ચિત વ્હિસલબ્લોઅર ડોકટરના સાથી કર્મચારી છે આ બે ડોકટર
નોંધનીય છે કે આ બન્ને ડૉકટર ચીનના બહુચર્ચિત વ્હિસલબ્લોઅર ડૉ. લી વેનલીઅંગનાં સાથી કર્મચારી છે. તે ડોક્ટરને વાયરસના કારણે સજા આપવામાં આવી હતી તથા કોરોના વાયરસના કારણે જ સાતમી ફેબ્રુઆરીના રોજ તેમનું નિધન થયું હતું.
આ કારણથી બદલાઈ ગયો ત્વચાનો રંગ
સ્થાનિક અહેવાલ મુજબ કોરોના વાયરસના કારણે શરીરમાં હોર્મોન્સનું સંતુલન બગડી જવાના કારણે આ ફેરફાર જોવા મળ્યો છે. દર્દીની સારવાર કરી રહેલા ડૉ. લીએ કહ્યું કે સારવાર દરમિયાન આ બંનેને ડોકટરને જે દવા આપવામાં આવી તેના કારણે તેમની ચામડીનો રંગ બદલાઈ ગયો. આ દવાઓ પૈકી એક દવાની સાઈડ ઈફેક્ટના કારણે આ પરિણામ આવ્યું છે જોકે તેમણે તે ડ્રગનું નામ જણાવ્યું નથી. તથા જ્યારે તે સામાન્ય થશે અને લીવર સારું થશે ત્યારે ત્વચા પણ પહેલાં જેવી થઇ જશે.
ડૉ. યીની તબિયતમાં સુધારો
ડૉ. યી જે કાર્ડિયોલોજીસ્ટ છે તેઓએ 39 દિવસ સુધી લાઈફ સપોર્ટ સીસ્ટમ પર રહ્યા બાદ કોરોના વાયરસને મ્હાત આપી. ડૉ. યીને ecmo દ્વારા સારવાર આપવામાં આવી હતી. ECMO શરીરમાં ઓક્સીજન પૂરું પાડીને હૃદય અને ફેફસાંને મદદરૂપ થાય છે. ડૉ. યીએ કહ્યું કે તેઓ બેડમાં હલનચલન કરે છે પરંતુ ચાલવામાં હજુ તકલીફ પડે છે. સાથે જ તેમણે કહ્યું કે કોરોના વાયરસના સંક્રમણની જાણ થયા બાદ તેઓ ખૂબ ગભરાઈ ગયા હતા. તેમને રાત્રે સ્વપ્ન પણ આવતા હતા. હાલ તેઓને સામાન્ય વોર્ડમાં શિફ્ટ કરવામાં આવી રહ્યા છે.
ડૉ. હુની તબિયત હજુ પણ નાજુક
ડૉ. ઝેન આ બંને તબીબોને દેખરેખ કરી રહ્યા હતા. તેમણે કહ્યું આ ડોકટરને બચવવા તે તેમની ફરજ હતી. આ સમયે ડૉ. હુ હજુ પણ નાજુક પરિસ્થિતિના કારણે બોલી શકતા ન હતા. તેમણે આભારવશ ડૉ. ઝેન સાથે હાથ પણ મિલાવ્યા હતા. ડૉ. હુની તબિયત વધુ ખરાબ હતી. તે લગભગ 99 દિવસથી કોરોના સામે લડી રહ્યા છે તથા અત્યારે પણ પરિસ્થતિ નાજુક છે.
ડૉ. હુની સારવાર કરનાર ડૉ. લીએ કહ્યું કે તેમને ડૉ. હુની માનસિક પરિસ્થિતિની ચિંતા છે. અત્યારે પણ તેઓને ICUમાં રાખવામાં આવ્યા છે. તથા સાતમી ફેબ્રુઆરીથી 22મી માર્ચ સુધી તેઓ ECMO થેરેપીમાંથી પસાર થયા હતા.