WTC 2023 / VIDEO: ડ્રેસિંગ રૂમની બહાર આરામથી સૂતો હતો કાંગારૂ ટીમનો બેટ્સમેન, સિરાજે હરામ કરી ઊંઘ, ભાગતો બેટિંગ કરવા આવ્યો

• પ્રથમ દાવમાં કાંગારૂ ટીમને 173 રનની મહત્વની લીડ મળી હતી.
• ઓસ્ટ્રેલિયાની ટીમે બીજી ઇનિંગમાં ડેવિડ વોર્નરની પ્રથમ વિકેટ ગુમાવી હતી
• ત્યારે કાંગારુ બેટ્સમેન માર્નસ લાબુશેન ખુરશી પર સૂતો જોવા મળ્યો

લંડનના ધ ઓવલ મેદાન પર ભારત અને ઓસ્ટ્રેલિયા વચ્ચે રમાઈ રહેલી વર્લ્ડ ટેસ્ટ ચેમ્પિયનશિપ 2023ની ફાઈનલ મેચમાં ઓસ્ટ્રેલિયાની ટીમે પ્રથમ દાવમાં 469 રન બનાવ્યા હતા અને તેના જવાબમાં ટીમ ઈન્ડિયાની ટીમ પ્રથમ દાવમાં 296 રનમાં સમેટાઈ ગઈ હતી. પ્રથમ દાવમાં કાંગારૂ ટીમને 173 રનની મહત્વની લીડ મળી હતી. 

ICC વર્લ્ડ ટેસ્ટ ચેમ્પિયનશિપની ફાઇનલ મેચમાં ત્રીજા દિવસે (9 જૂન) રમત સમાપ્ત થઈ ગઈ છે. આજે ચોથા દિવસે ઓસ્ટ્રેલિયા તેની બીજી ઇનિંગમાં 4 વિકેટે 123 રનથી આગળ રમવાનું શરૂ કરશે. માર્નસ લાબુશેન (41) અને કેમેરોન ગ્રીન (7) અણનમ છે. ત્રીજા દિવસની રમતના અંત સુધીમાં ઓસ્ટ્રેલિયાએ ભારતીય ટીમ સામે કુલ 296 રનની લીડ બનાવી લીધી છે. 

રમતના ત્રીજા દિવસે ઓસ્ટ્રેલિયાની ટીમે બીજી ઇનિંગમાં ડેવિડ વોર્નરના રૂપમાં પ્રથમ વિકેટ ગુમાવી હતી. જે પછી માર્કસ લાબુશેન આગામી બેટ્સમેન તરીકે બેટિંગ કરવા આવવાનો હતો. જ્યારે બીજી ઇનિંગ શરૂ થઈ અને ડેવિડ વોર્નર આઉટ થયો, ત્યારે કાંગારુ બેટ્સમેન માર્નસ લાબુશેન ખુરશી પર સૂતો જોવા મળ્યો.

 

 

 

 

View this post on Instagram

 

 

 

 

 

 

 

 

 

 

 

A post shared by ICC (@icc)

ભારત સામેની બીજી ઇનિંગમાં ઓસ્ટ્રેલિયા તરફથી ડેવિડ વોર્નર અને ઉસ્માન ખ્વાજા ઇનિંગ્સની શરૂઆત કરવા આવ્યા હતા. બીજી ઈનિંગમાં ડેવિડ વોર્નરનું બેટ સંપૂર્ણપણે શાંત રહ્યું હતું. તેણે પ્રથમ દાવમાં 43 રનની ઇનિંગ રમી હતી, પરંતુ બીજી ઇનિંગમાં તેણે માત્ર એક જ રન બનાવ્યો હતો. સિરાજના બોલ પર તેનો કેચ વિકેટ પાછળ કેએસ ભરતે પકડ્યો હતો. 

બીજી ઈનિંગમાં ચોથી ઓવરના ત્રીજા બોલ પર વોર્નર આઉટ થયો હતો અને વોર્નરના આઉટ થયા બાદ જ્યારે કેમેરાનું ધ્યાન ત્રીજા બેટ્સમેન માર્નસ લાબુશેન પર ગયું ત્યારે તે ઊંઘતો જોવા મળ્યો હતો. કદાચ સતત ફિલ્ડિંગને કારણે તે થાકી ગયો હતો અને ખુરશી પર સૂઈ ગયો હતો પણ વોર્નર આઉટ થયાની જાણ થતાં જ તે ઊભો થયો અને પછી બેટ ઉપાડ્યું અને તરત જ બેટિંગ માટે મેદાન તરફ દોડી ગયો. લાબુશેનને લાગ્યું કે કદાચ વોર્નર અને ખ્વાજા લાંબી બેટિંગ કરશે પણ સિરાજે આવું ન થવા દીધું અને તે સમયે તેની ઊંઘ પૂરી ન થઈ શકી.

આ સમગ્ર દ્રશ્ય કેમેરામાં કેદ થયું હતું. જેનો વીડિયો હાલ સોશિયલ મીડિયા પર વાયરલ થઈ રહ્યો છે.