IPLIN
 
  • Home
  • Sports
  • Cricket
  • WTC Final Ind vs Aus team india record is not good in oval ground

ક્રિકેટ / WTC Final Ind vs Aus: ટીમ ઈન્ડિયા માટે ફાઇનલમાં જીત મેળવવી થશે અઘરી, જુઓ ઑવલમાં કેવો રહ્યો છે રેકૉર્ડ

Team VTV 04:14 PM, 01 Jun 23
Follow us
WTC Final Ind vs Aus team india record is not good in oval ground

WTC Final Ind vs Aus: વર્લ્ડ ટેસ્ટ ચેમ્પિયનશિપની ફાઈનલ મેચમાં ભારત અને ઓસ્ટ્રેલિયાની જંગ થવાની છે. ઓવલના મેદાન પર ભારતનો રેકોર્ડ કંઈ ખાસ નથી. ભારતે ઓવલમાં કુલ 14 ટેસ્ટ મેચ રમી છે. જેમાંથી ફક્ત 2 મેચ જ જીતી છે. 

  • WTC Finalમાં ભારત અને ઓસ્ટ્રેલિયા વચ્ચે મુકાબલો 
  • ઓવલ મેદાન પર સારો નથી ભારતનો રેકોર્ડ 
  • ભારતે ઓવલમાં કુલ 14 ટેસ્ટ મેચ રમી, જેમાંથી ફક્ત 2 જીતી 

ICC વર્લ્ડ ટેસ્ટ ચેમ્પિયનશિરના ફાઈનલ મેચમાં ભારત અને ઓસ્ટ્રેલિયાની વચ્ચે ટક્કર થવાની છે. બન્ને ટીમોની વચ્ચે આ મેચ લંડનના ઓવલ મેદાન પર 7 જૂનથી રમાશે. ટીમ ઈન્ડિયા ટેસ્ટ રેન્કિંગમાં નંબર-1 અને કંગારૂ ટીમ બીજા ક્રમે છે. એવામાં આ બ્લોકબસ્ટર મેચને ખૂબ જ અઘરી હોઈ શકે છે. 

આમતો ભારત માટે ઓવલમાં ઓસ્ટ્રેલિયાના વિરૂદ્ધ જીત મેળવવી સરળ નહીં રહે. આ ગ્રાઉન્ડ પર રોહિત બ્રિગેડનો ટેસ્ટ રેકોર્ડ સારો નથી. ભારતે આ મેદાન પર કુલ 14 ટેસ્ટ રમી છે. જેમાંથી ફક્ત 2માં જ જીત મેળવી છે અને 5માં હાર મળી છે. જણાવી દઈએ કે 7 મેચ ડ્રો પર સમાપ્ત થયા છે.

ઓસ્ટ્રેલિયાનો રેકોર્ડ પણ ઠીક નથી
ઓસ્ટ્રેલિયાનો પણ ઓવલના મેદાન પર રેકોર્ડ યોગ્ય નથી અને તેમણે 38 મેચમાંથી ફક્ત 7માં જીત નોંધાવી છે. જ્યારે 17 મેચમાં તેમને હાર મળી છે. ભારત ઓસ્ટ્રેલિયાની વચ્ચે હેડ ટી હેડ રેકોર્ડની વાત કરવામાં આવે તો બન્ને ટીમોએ એકબીજા સાથે 106 મેચ રમી છે. તેમાંથી 44 મેચ ઓસ્ટ્રેલિયાએ જીતી છે. ત્યાં જ ભારતે 32 મેચ જીતી છે. તે ઉપરાંત બન્નેન વચ્ચે 29 મેચો ડ્રો રહી છે અને મુકાબલો ટાઈ રહ્યો છે. 

ટીમ ઈન્ડિયા વિરૂદ્ધ રાહતની વાત એ છે કે તેણે આ મેદાન પર પોતાની છેલ્લી મેચ જીતી હતી. સપ્ટેમ્બર 2021માં રમાયેલી એ મેચમાં વિરાટ કોહલીની કેપ્ટન્સીમાં મેજબાન ઈંગ્લેન્ડને 157 રનોથી હરાવી હતી. તે મેચમાં રોહિત શર્માએ 127 રનોની શાનદાર ઈનિંગ રમી હતી અને તે પ્લેયર ઓફ ધ મેચ પસંદ કરવામાં આવ્યા હતા. 

ટીમ ઈન્ડિયા ફાઈનલ મેચ જીતીને છેલ્લા 10 વર્ષથી ચાલી રહેલા 'આઈસીસી ટ્રોફી'ના દુષ્કાળને પુરો કરવા માંગે છે. ભારતે છેલ્લી વખત 2013માં મહેન્દ્ર સિંહ ધોનીની આગેવાનીમાં આઈસીસી ટ્રોફી જીતી હતી. ત્યારે તેમણે ચેમ્પિયન્સ ટ્રોફીની ફાઈનલમાં ઈંગ્લેન્ડને મ્હાત આપી હતી. ત્યાર બાદથી કોઈ પણ આઈસીસી ટૂર્નામેન્ટમાં ટીમ ઈન્ડિયા ચેમ્પિયન નથી બની શકી. 

ભારત અને ઓસ્ટ્રેલિયાના રેકોર્ડ 

  • ભારત- 14 ટેસ્ટ, 2 જીત, 5 હાર, 7 ડ્રો
  • ઓસ્ટ્રેલિયા- 38 મેચ, 7 જીત, 17 હાર, 14 ડ્રો
  • ભારત VS ઓસ્ટ્રેલિયા ટેસ્ટ રેકોર્ડ 
  • કુલ 106 મેચ- ભારત જીત્યું 32, ઓસ્ટ્રેલિયા જીત્યુ 44, 29 ડ્રો, 1 ટાઈ 

વર્લ્ડ ટેસ્ટ ચેમ્પિયનશિપ ફાઈનલ ડે ડિટેલ્સ 

  • તારીખ- 7થી 11 જૂન, 2023
  • સ્થાન- ધ ઓવલ મેદાન, લંડન 
  • ટીમ- ભારત VS ઓસ્ટ્રેલિયા 
  • રિઝર્વ ડે- 12 જૂન 
WTC final IND Vs AUS Team India oval ground ટીમ ઈન્ડિયા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ