વર્લ્ડ ટેસ્ટ ચેમ્પિયનશિપની ફાઈનલ મેચ ભારત અને ઓસ્ટ્રેલિયા વચ્ચે રમાઈ રહી છે. આ મેચની શરૂઆત ગઇકાલ એટલે કે 7 જૂનથી થઈ ગઈ છે. જણાવી દઈએ કે ઓસ્ટ્રેલિયાએ ભારત સામે વર્લ્ડ ટેસ્ટ ચેમ્પિયનશિપ ફાઈનલના પહેલા જ દિવસે 327 રનનો પહાડ ઊભો કરી દીધો છે. આ સાથે જ ભારતે પહેલા દિવસે ઓસ્ટ્રેલિયાની 3 વિકેટ ઝડપી છે.
WTC ફાઇનલના પહેલા દિવસે 76 રનમાં ત્રીજી વિકેટ ગુમાવ્યા બાદ પણ ઓસ્ટ્રેલિયાએ આટલો મોટો સ્કોર કેવી રીતે બનાવ્યો? ભારતે ક્યાં ભૂલ કરી? આ ભૂલ મેચ દરમિયાન અથવા મેચ પહેલા પ્લેઈંગ ઈલેવનની પસંદગીમાં થઈ હતી? પહેલા દિવસે સુનીલ ગાવસ્કર, સૌરવ ગાંગુલીથી લઈને રવિ શાસ્ત્રીએ ભારતની રમત પર વાતો કરી હતી ચાલી એ વિશે જાણીએ...
સૌરવ ગાંગુલીએ કહ્યું કે ભારત 76 રનમાં 3 વિકેટ ગુમાવીને સારી સ્થિતિમાં હતું પણ અહીં જ ભૂલ થઈ. ભારતે ટ્રેવિસ હેડને શરૂઆતમાં સરળતાથી સ્કોર કરવા દીધો હતો. તે દબાણ તેના પર લાવી ન શકાયું અને ધીરે ધીરે તે ભારે થઈ ગયું.
આ સાથે જ રવિચંદ્રન અશ્વિનને પ્લેઈંગ ઈલેવનમાંથી બહાર રાખવાની બીજી ભૂલ પણ ગણાવી હતી. એમને કહ્યું હતું કે આર અશ્વિન, હરભજન સિંહ કે અનિલ કુંબલે જેવા સ્પિનરો હોય તેવી ટીમને તમે અવગણી શકો નહીં. જે બોલરે 470થી વધુ વિકેટ લીધી છે તેને તમે ટીમની બહાર ન રાખી શકો. વર્લ્ડ ટેસ્ટ ચેમ્પિયનશિપની ફાઇનલમાં અશ્વિનની જરૂર હતી. ખાસ કરીને એ વાતને ધ્યાનમાં લઈએ કે ઓસ્ટ્રેલિયાના ટોપ ઓર્ડરમાં 4 લેફ્ટહેન્ડર બેટ્સમેન છે. અશ્વિન આ બેટ્સમેનો પર દબાણ બનાવી શક્યો હોત.
રવિ શાસ્ત્રીને એ જ શોમાં પ્લેઈંગ ઈલેવનમાં અશ્વિનને પસંદ ન કરવા અંગે પૂછવામાં આવ્યું તો તેણે કહ્યું કે ભૂલ થઈ ગઈ. હવે અશ્વિનને ભૂલી જાવ. હવે આગળ વધો. બીજા દિવસ માટે રમતની યોજના બનાવો. મેચમાં હજુ 4 દિવસ બાકી છે. ટેસ્ટ મેચ વાપસીની તક આપે છે. માત્ર પ્રયાસ કરવો પડશે.
The Indian Cricket Team will observe a moment of silence in memory of the victims of the Odisha train tragedy ahead of the start of play on Day 1 of the ICC World Test Championship final at The Oval.
The team mourns the deaths and offers its deepest condolences to the families… pic.twitter.com/mS04eWz2Ym
ગાવસ્કરે કોમેન્ટ્રી દરમિયાન અશ્વિનને પ્લેઈંગ ઈલેવનમાંથી બહાર રાખવા પર પણ સવાલ ઉઠાવ્યા હતા. તેણે કહ્યું, 'મને આશ્ચર્ય છે કે અશ્વિન પ્લેઈંગ ઈલેવનમાં નથી. તેમના કારણે જ ભારતીય ટીમ ફાઇનલ સુધી પહોંચી છે. ઉમેશ યાદવની જગ્યાએ અશ્વિનને ટીમમાં સામેલ કરી શકાયો હોત.