વર્લ્ડ ટેસ્ટ ચેમ્પિયનશીપ 2023ની ફાઈનલ મેચનો બીજો દિવસ ઓસ્ટ્રેલિયાના નામે રહ્યો છે. કાંગારૂની ટીમ ભારત કરતા આગળ જોવા મળી રહી છે.
ભારત ઓસ્ટ્રેલિયાની 318 રનથી પાછળ
WTC ફાઈનલમાં આ પ્લેયરનું શરમજનક પ્રદર્શન
રવિ શાસ્ત્રીએ આ પ્લેયર બાબતે આપ્યું મહત્ત્વપૂર્ણ નિવેદન
વર્લ્ડ ટેસ્ટ ચેમ્પિયનશીપ 2023ની ફાઈનલ મેચનો બીજો દિવસ ઓસ્ટ્રેલિયાના નામે રહ્યો છે. કાંગારૂની ટીમ ભારત કરતા આગળ જોવા મળી રહી છે. ભારતીય ટીમે બે દિવસમાં ઓસ્ટ્રેલિયાના 469 રન સામે ભારતે 38 ઓવરમાં 5 વિકેટ ગુમાવીને માત્ર 151 રન કર્યા છે અને હજુ 318 રન કરવાના છે.
ICC નોકઆઉટ સ્ટેજમાં ભારતીય ટીમ માટે ટોપ ઓર્ડર સમસ્યા સાબિત થયો છે. રોહિત શર્મા, શુભમન ગિલ, ચેતેશ્વર પુજારા અને વિરાટ કોહલીમાંથી કોઈપણ ક્રિકેટર 20થી વધુ રન કરી શક્યા નથી.
શુભમન ગિલ અને ચેતેશ્વર પુજારા એક જ અંદાજમાં આઉટ થઈ ગયા હતા અને બોલ છોડી દેવાની કોશિશમાં ઑફ સ્ટંપ ઉડાવી દીધું હતું. બોલેન્ડે શુભમન ગિલને ફાસ્ટ બોલ પર બોલ્ડ કરી દીધો અને કૈમરન ગ્રીને ચેતેશ્વર પુજારાને આઉટ કરી દીધો.
ભારતના પૂર્વ કોચ રવિ શાસ્ત્રી શુભમનને બેનિફિટ આફ ડાઉટ આપે છે અને યુવા ખેલાડી હોવાનું અને શીખી રહ્યા હોવાનું માને છે. ઈંગ્લેન્ડમાં ક્રિકેટ કેવી રીતે રમવી અને ઑફ સ્ટંપ ક્યાં થવું તે શુભમન ગિલ શીખી જશે. ચેતશ્વર પુજારાએ 100થી વધુ મેચ રમી તે છતાં આઉટ થઈ ગયા તે એક ચિંતાની વાત છે.
ચેતેશ્વર પુજારા એક મજબૂત બેટ્સમેન હોવાનું માનવામાં આવે છે અને તેઓ જાણે છે કે, ઑફ સ્ટંપ ક્યાં છે. તેમણે ઈંગ્લેન્ડના પ્રવાસ દરમિયાન શાનદાર પ્રદર્શન કર્યું છે અને કાઉન્ટી ક્રિકેટમાં પણ શાનદાર પ્રદર્શન કર્યું છે, પરંતુ ફરી એકવાર તેઓ એક શાનદાર તક ચૂકી ગયા છે.
રવિ શાસ્ત્રી જણાવે છે કે, ‘પુજારાએ ખૂબ જ ખરાબ રીતે બોલ છોડી દીધો. તેમનો આ પગ આગળ જવો જોઈતો હતો. તેઓ પહેલો બોલ રમવાનું વિચારી રહ્યા હતો અને ફરીવાર વિચાર્યું કે, તેઓ આ બોલ છોડી શકે છે. તમે જોઈ શકો છો કો, જે પ્રકારે તેમણે બોલ છોડી દીધો તેમનો ઑફ સ્ટંપ દેખાઈ રહ્યો હતો.’
તેમનો ફ્રંટ ફુટ પણ મિડલ સ્ટંપની લાઈન પર હતો, જે સ્ટંપ તરફ હોવો જોઈએ. ફ્રંટ ફૂટ બોલ તરફ જવો જોઈતો હતો. પુજારાએ વિચાર્યું કે, બોલ તેમના ઑફ સ્ટંપથી બહાર જઈ રહી છે. તેમણે બોલને સમજવામાં ભૂલ કરી.
રવિ શાસ્ત્રી વધુમાં જમાવે છે કે, ‘ઈંગ્લેન્ડમાં બોલ કેવી રીતે છોડવો જોઈએ અને ઓફ સ્ટંપનું નામ ખબર હોવું જોઈએ. બંને વિકેટમાં ઑફ સ્ટંપનો કોઈ અતો પતો જ નહોતો. શુભમન ફૂટવર્કમાં થોડા આળસુ હતા, પરંતુ તેઓ શીખી જશે. પુજારાનું પ્રદર્શન નિરાશાજનક હતું, તેમણે તેમનો પગ થોડો આગળ કાઢવો જોઈતો હતો અને તે બોલની લાઈન પર જ હતો.’