IPLIN
 

WTC Final 2023 / આજે IND vs AUS વચ્ચે થશે કાંટે કી ટક્કર, કાંગારૂને પછાડવા ટીમ ઈન્ડિયા ઉતરશે મેદાનમાં

Team VTV 08:42 AM, 07 Jun 23
Follow us
WTC Final 2023 IND vs AUS kennington oval london

WTC Final 2023: આજની ટેસ્ટ ક્રિકેટની ચેમ્પિયન બનવા માટે ટીમ ઈન્ડિયા અને ઓસ્ટ્રેલિયા આમને-સામને હશે. બન્ને ટીમોની વચ્ચે આ મેચ લંડનના કેનિંગ્ટન ઓવલમાં રમાશે.

  • આજથી થશે ટેસ્ટ ક્રિકેટની શરૂઆત 
  • IND vs AUS વચ્ચે કાંટે કી ટક્કર
  • લંડનના કેનિંગ્ટન ઓવલ મેદાનમાં રમાશે મેચ  

આજે વર્લ્ડ ટેસ્ટ ચેમ્પિયનશિપની ફાઈનલ રમાશે. જેમાં ભારત અને ઓસ્ટ્રેલિયાની ટીમો આમને-સામને હશે. આ મેચ બપોરે ત્રણ વાગ્યાથી લંડનના કેનિંગ્ટન ઓવલમાં રમાશે. ભારતીય ટીમ સતત બીજી વખત વર્લ્ડ ટેસ્ટ ચેમ્પિયનશિપના ફાઈનલમાં પહોંચી છે. જોકે પહેલી વખત તેને ફાઈનલમાં હારનો સામનો કરવો પડ્યો હતો. 

આજે ઓસ્ટ્રેલિયાથી ટક્કર 
વર્લ્ડ ટેસ્ટ ચેમ્પિયનશિપની પહેલી ફાઈનલ ભારત અને ન્યૂઝીલેન્ડની વચ્ચે રમાઈ હતી. જેને કીવી ટીમે જીતી હતી. આ વખતે ટ્રોફી મેચ ભારત અને ઓસ્ટ્રેલિયાની વચ્ચે છે. એવામાં આ વખતે ટીમ ઈન્ડિયાએ ફરી પહેલા જેવી ભુલો ન કરવી જોઈએ. 

10 વર્ષથી ટીમ ઈન્ડિયાએ નથી જીતી આઈસીસી ટૂર્નામેન્ટ 
છેલ્લા 10 વર્ષથી ટીમ ઈન્ડિયાએ કોઈ પણ આઈસીસી ટૂર્નામેન્ટ નથી જીતી. છેલ્લી વખત મહેન્દ્ર સિંહ ધોનીની કેપ્ટન્સીમાં ટીમ ઈન્ડિયાએ 2013 ચેમ્પિયન ટ્રોફી પર કબજો કર્યો હતો. તેના બાદથી ભારતીય ટીમ આઈસીસી ટૂર્નામેન્ટને જીતવા માટે તરસી રહી છે. 

ગયા વર્ષે વર્લ્ડ ટેસ્ટ ચેમ્પિયનશિપના ફાઈનલમાં ન્યૂઝીલેન્ડે ટીમ ઈન્ડિયાને મ્હાત આપી હતી. એવામાં આજે રોહિત શર્માની કેપ્ટન્સીમાં ટીમ ઈન્ડિયા 10 વર્ષના દુષ્કાળને ખતમ કરવાના ઈરાદાથી મેદાન પર ઉતરશે. 

ફાઈનલ માટે રાખવામાં આવ્યો છે રિઝર્વ ડે 
વરસાદને ધ્યાનમાં રાખતા વર્લ્ડ ટેસ્ટ ચેમ્પિયનશિપના ફાઈનલ માટે રિઝર્વ ડે રાખવામાં આવ્યો છે. જોકે રિઝર્વ ડેનો ઉપયોગ ત્યારે થશે જ્યારે કોઈ દિવસ વરસાદના કારણે મેચ ન રમાઈ શકે. વર્લ્ડ ટેસ્ટ ચેમ્પિયનશિપના પહેલા સંસ્કરણનું ફાઈનલ પણ રિઝર્વ ડેમાં ગયું હતું. જેને ન્યૂઝીલેન્ડે જીતું હતું. 

જો ફાઈનલ ડ્રો થયો તો કોણ જીતશે? 
વર્લ્ડ ટેસ્ટ ચેમ્પિયનશિપની ફાઈનલ મેચ જો ડ્રો પર ખતમ થયા છે તો કોઈ એક ટીમને નહીં પરંતુ બન્ને ટીમોને જોઈન્ટ વિનર બનાવવી દેવામાં આવશે. એટલે કે બન્ને ટીમોની વચ્ચે ટ્રોફી શેર કરવામાં આવશે. 

ત્યાં જો ટ્રોફી મેચ ટાઈ થાય છે તો બન્ને ટીમો સંયુક્ત રીતે ચેમ્પિયન બનશે. ICCના નિયમ અનુસાર ચેમ્પિયનશિપ કે ટૂર્નામેન્ટની ફાઈનલ ડ્રો થવા પર બન્ને ટીમોને સંયુક્ત રીતે વિજેતા જાહેર કરવામાં આવે છે

ભારતની સંભવિત પ્લેઈંગ ઈલેવન 
રોહિત શર્મા, શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, કેએસ ભરત, રવીન્દ્ર જાડેજા, રવિચંદ્રન અશ્વિન, મોહમ્મદ શમી, મોહમ્મદ સિરાજ અને શાર્દુલ ઠાકુર. 

ઓસ્ટ્રેલિયાની સંભવિત પ્લેઈંગ ઈલેવન 
ડેવિડ વોર્નર, ઉસ્માન ખ્વાજા, માર્નસ લાબુશેન, સ્ટીવ સ્મિથ, ટ્રેવિસ હેડ, કેમરૂન ગ્રીન, એલેક્સ કેરી, મિશેલ સ્ટાર્ક, પેટ કમિંસ, નાથન લિયોન અને સ્કોટ બોલેન્ડ. 

wtc final 2023 IND Vs AUS ટીમ ઈન્ડિયા London
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ