બેદરકારી / બિલ જોઇને ચોંકી ગયો ગ્રાહક, 128 કરોડ રૂપિયા ના ભરવા પર કાપ્યું વીજ કનેક્શન

કનેક્શનનું બિલ જોયા બાદ ગ્રાહકનો હોશ ઊડી ગયા અને આઘાતમાં જીવી રહ્યો છે. બિલ આવ્યા બાદ ગ્રાહક વિજળી વિભાગના અધિકારીઓના કાર્યાલયના ચક્કર મારવા લાગ્યો. બિલ નહીં ભરવા પર ગ્રાહકની વીજળી કાપી નાંખવામાં આવી. 

સિટી કોતવાલી ક્ષેત્રના મોહલ્લા ચમરી નિવાસી એક વ્યક્તને વિજળી નિગમ તરફથી 2 કિલોવોટના ઘરેલૂ કનેક્શનનું 1.28 કરોડ રૂપિયા બિલ મોકલી દેવામાં આવ્યું. આ બિલ મળ્યા બાદ ગ્રાહકના પગ નીચેની જમીન ખસી ગઇ. બિલ યોગ્ય કરાવવા માટે એને નિગમ કાર્યાલયના ચક્કર લગાવવા પડે છે. જો કે અધિકારી એને ટેકનીકલ ખામી જણાવી રહ્યા છે. 

વીજળી વિભાગના ગોટાળા કોઇનાથી છુપાયેલા નથી. લેઝરથી હેરફેર અને નકલી બિલ રસીદના કારણે ગરીબ ગ્રાહકો પાસે આજે પણ લાખોના બિલ પહોંચી રહ્યા છે જેના કારણે વારંવાર હંગામો થતો રહે છે. હવે એક નવું કારનામું પણ સામે આવ્યું છે જ્યાં ઘરેલૂ ગ્રાહકોને ત્યાં પણ ખોટું બિલ મોકલવામાં આવી રહ્યું છે. હવે એને લાપરવાહી કહો કે ટેકનીકલ ખરાબી એક ગ્રાહકોને હજારો અથવા લાખોમાં નહીં પરંતુ કરોડમાં બિલ મોકલી દેવામાં આવ્યું છે. 

શમીમ પોતાના પરિવારની સાથે રહે છે અને ઘરે માત્ર 2 કિલો વોટનું કનેક્શન છે પરંતુ મીટર રીડરે એને એક અરબ 28 કરોડનું બિલ જારી કરી દીધું. આટલું વધારે બિલ હોવા છતાં રીડરે એક વખત પણ એવું ના વિચાર્યું કે આટલું વધારે બિલ આવ્યું કેવી રીતે? બિલ જોતા જ ગ્રાહકોને હોશ ઊડી ગયા. 

આ બાબતે શમીમનું કહેવું છે કે એના ઘરનું બિલ 700 અથવા 800 રૂપિયા આવતું હતું, પરંતુ આટલું બધું બિલ જોઇને એને આઘાત લાગ્યો.