wrestling up cm yogi wrestling up cm yogi adityanath taken big decision uttar pradesh government will adopt wrestling by 2032 adityanath taken big decision
આશાવાદી નિર્ણય /
UPના CM યોગીનો ઓડિશાના પટનાયક જેવો નિર્ણય, 2032 ઑલિમ્પિક્સ માટે આપ્યા આ આદેશ
રેસલિંગ ફેડરેશન ઓફ ઈન્ડિયા (ડબ્લ્યુએફઆઈ)ના અધ્યક્ષ બ્રિજભૂષણ શરણસિંહે કહ્યું કે, કુશ્તીની રમતને દત્તક લેનારી ઉત્તર પ્રદેશ સરકાર દ્વારા પહેલવાનોનું સમર્થન અને માળખાગત વિકાસ માટે 2032 ઓલિમ્પિક સુધી 170 કરોડ રૂપિયાનું રોકાણ થવાની આશા છે.
WFIના અધ્યક્ષે કુશ્તી અંગે યોગી સરકારનો કર્યો સંપર્ક
CM યોગી આદિત્યનાથે કુશ્તીના સમર્થનની વાતનો કર્યો સ્વીકાર
2032 ઓલિમ્પિક સુધી 170 કરોડ રૂપિયાનું રોકાણ થવાની આશા
અમે કુશ્તી મુદ્દે UP સરકાર સાથે સંપર્ક કર્યો: WFI
ડબ્લ્યુએફઆઈના ઉપરી અધિકારીએ કહ્યું કે, તેમણે ઓડિશા સરકારની હોકીની રમતને સમર્થન આપવાના પગલા પરથી પ્રેરણા લઈ ઉત્તર પ્રદેશ સરકારને પોતાની રમત માટે મદદની વિનંતી કરી છે. બ્રિજભૂષણ શરણ સિંહે કહ્યું, ઓડિશા એક નાનુ રાજ્ય છે, તેમ છતાં ખૂબ સારી રીતે હોકીનું સમર્થન કરી રહ્યું છે. તો અમે વિચાર્યુ કે ઉત્તર પ્રદેશ કુશ્તીનું સમર્થન કેમ ના કરી શકે? જ્યારે આ ખૂબ મોટું રાજ્ય છે. અમે રાજ્ય સરકાર સાથે સંપર્ક કર્યો અને મુખ્યપ્રધાન યોગી આદિત્યનાથે આ વાતનો સ્વીકાર કર્યો.
અમે અમારી દરખાસ્તમાં આ મુદ્દાઓને ટાક્યા
તેમણે કહ્યું, અમે પોતાની દરખાસ્તમાં 2024 સુધી રમતો માટે દરેક વર્ષે સમર્થન માટે 10 કરોડ રૂપિયાની માંગ કરી (એટલેકે 30 કરોડ રૂપિયા) અને પછી 2028ન આગામી ઓલિમ્પિક ચક્ર માટે દર વર્ષે 15 કરોડ રૂપિયા (60 કરોડ રૂપિયા)ની મદદ માટે કહ્યું છે. જ્યારે અંતિમ તબક્કામાં 2032 માટે દરેક વર્ષે 20 કરોડ રૂપિયા (80 કરોડ રૂપિયા) માટે જણાવ્યું છે.
રાષ્ટ્રીય ચેમ્પિયનોને પણ ઈનામની રકમ આપીશું
બ્રિજભૂષણ સિંહે કહ્યું, આમ કરવાનો હેતુ ફક્ત દેશના ટોચના કુશ્તીબાજો સુધી મર્યાદિત નહીં રહે. પરંતુ કેડેટ સ્તરના પહેલવાનોને પણ પ્રાયોજીત કરવામાં આવશે અને અમે રાષ્ટ્રીય ચેમ્પિયનોને પણ ઈનામની રકમ આપી શકીશું.