CWG 2022 / VIDEO: બ્રોન્ઝ જીતનાર રેસલર પૂજાએ આંખોમાં આંસુ સાથે માંગી માફી તો PM મોદીએ આ રીતે વધાર્યો જુસ્સો 

• બ્રોન્ઝ મેડલ જીતીને ભારતીય કુસ્તીબાજ પૂજા ગેહલોત ભાવુક થઈ 
• બ્રોન્ઝ જીતનાર રેસલર પૂજાએ આંખોમાં આંસુ સાથે માંગી માફી
• PM મોદીએ કહ્યું: 'પૂજા, તારો આ મેડલ જશ્ન માંગે છે, માફી નહીં

કોમનવેલ્થ ગેમ્સમાં ફ્રી સ્ટાઇલ રેસલિંગની 50 કિગ્રા કેટેગરીમાં બ્રોન્ઝ મેડલ જીતીને ભારતીય કુસ્તીબાજ પૂજા ગેહલોત ભાવુક થઈ ગઈ હતી. ગોલ્ડ મેડલ ન જીતવાથી બેતાબ પૂજાએ રડતા રાષ્ટ્રની માફી માંગી. આ તરફ હવે વડાપ્રધાન નરેન્દ્ર મોદીએ તેનો જુસ્સો વધાર્યો છે.  PM મોદીએ ટ્વિટ કરીને કહ્યું હતું કે, 'પૂજા, તારો આ મેડલ જશ્ન માંગે છે, માફી નહીં.'

વડાપ્રધાન નરેન્દ્ર મોદીએ પૂજાને પ્રોત્સાહન આપ્યું છે. તેમણે ટ્વીટ કર્યું,  'પૂજા, તારો આ મેડલ જશ્ન માંગે છે, માફી નહીં.' તારી જીવનની સફર અમને પ્રેરણા આપે છે. તારી સફળતા અમને ખુશ કરે છે. તારા નસીબમાં આગળ ઘણી મોટી વસ્તુઓ છે. તું હંમેશા જેવો છે તેવો જ છો. ચમકતા રહો."

Pooja, your medal calls for celebrations, not an apology. Your life journey motivates us, your success gladdens us. You are destined for great things ahead…keep shining! ⭐️ https://t.co/qQ4pldn1Ff

— Narendra Modi (@narendramodi) August 7, 2022

હારનું ખૂબ જ દુઃખદ છે: પૂજા

પૂજાએ પ્રેસ કોન્ફરન્સમાં કહ્યું, "હું હારી ગઈ છું, તે ખૂબ જ દુઃખદ છે. હું દેશવાસીઓની માફી માંગુ છું. મને આશા હતી કે, હું અહીં રાષ્ટ્રગીત વગાડીશ, પરંતુ હારી ગઈ. મને માત્ર બ્રોન્ઝ મેડલ મળ્યો છે. હું મારી ભૂલો પર કામ કરીશ."

ભાવિના પટેલે રાજ્ય અને દેશનું ગૌરવ વધાર્યું 

ગુજરાતની દીકરી ભાવિના પટેલે રાજ્ય અને દેશનું ગૌરવ વધાર્યું છે. ભાવિનાબેને કોમનવેલ્થ ગેમ્સમાં પેરા ટેબલ ટેનિસમાં ગોલ્ડ મેડલ જીત્યો હતો. ભારતીય ખેલાડીએ પેરા ટેબલ ટેનિસમાં ફાઇનલમાં નાઇજિરિયાના ખેલાડીને 3-0થી હરાવીને ગોલ્ડ મેડલ જીત્યો હતો. કોમનવેલ્થ ગેમ્સ 2022માં ભારતનો આ 13મો ગોલ્ડ મેડલ છે.