સ્પોર્ટ્સ / WPLમાં RCBની જીત પાછળ છૂપાયેલ છે વિરાટ કોહલીનો આ ગુરૂમંત્ર, આ મહિલા ખેલાડીએ કર્યો ખુલાસો

• WPL 2023માં RCBએ છઠ્ઠી મેચમાં જીત મેળવી
• ટીમની આ જીતમાં વિરાટ કોહલીનો મોટો હાથ રહ્યો 
• મહિલા ખેલાડીઓને કિંગ કોહલી આપ્યો ગુરુ મંત્ર 

WPL 2023 એટલે કે વિમેન્સ પ્રીમિયર લીગમાં લાંબી રાહ બાદ રોયલ ચેલેન્જર્સ બેંગ્લોરે તેની જીતનું ખાતું ખોલ્યું. જણાવી દઈએ કે સતત પાંચ મેચ હાર્યા બાદ RCBએ છઠ્ઠી મેચમાં જીત મેળવી હતી. જો કે હાલ કહેવાય રહ્યું છે કે ટીમની આ જીતમાં RCB મેન્સ ટીમના કેપ્ટન વિરાટ કોહલીનો મોટો હાથ હતો. અને આ વાતનો ખુલાસો RCBની મહિલા ટીમની ખેલાડી હીથર નાઈટે કરતાં કહ્યું હતું કે કેવી રીતે વિરાટ કોહલીના ગુરુમંત્રે RCB મહિલા ટીમને વિમેન્સ પ્રીમિયર લીગમાં પહેલી જીત અપાવી. 

વિરાટ કોહલીએ ટીમના ખેલાડીઓ સાથે મુલાકાત કરી
જણાવી દઈએ કે ગઈકાલે એટલે કે 15 માર્ચે RCB મહિલાએ યુપી વોરિયર્સને 5 વિકેટે હરાવ્યું હતું અને RCB આ મેચ પહેલા વિરાટ કોહલીએ ટીમના ખેલાડીઓ સાથે મુલાકાત કરી હતી. હીટર નાઈટે આ વિશે વાત કરતાં કહ્યું કે વિરાટ કોહલીએ RCB મહિલા ખેલાડીઓ સાથે વાતચીત કરી અને તેમને પ્રોત્સાહિત કર્યા હતા. RCBની આ જીત સાથે ટીમ ક્વોલિફાય કરી શકે એવી થોડી આશા છે. 

Virat Kohli’s pep talk to the RCB Women’s Team

King came. He spoke. He inspired. He’d be proud watching the girls play the way they did last night. Watch @imVkohli's pre-match chat in the team room on Bold Diaries.#PlayBold #ನಮ್ಮRCB #WPL2023 pic.twitter.com/fz1rxZnID2

— Royal Challengers Bangalore (@RCBTweets) March 16, 2023

કિંગ કોહલી આપ્યો ગુરુ મંત્ર 
મેચ પહેલા વિરાટ કોહલીએ ટીમના ખેલાડીઓ સાથે મુલાકાત કરી હતી. આ સાથે તેણે ખેલાડીઓને પ્રોત્સાહિત પણ કર્યા હતા. જેના પર મંધાનાએ કહ્યું કે, વિરાટ ભાઈએ મેચ પહેલા ખેલાડીઓને પ્રોત્સાહિત કર્યા અને તેમની સાથે ઘણી વાતો કરી. આનો ફાયદો ટીમને મળ્યો. એમને મને મારી બેટિંગ વિશે પણ સમજાવ્યું કે જો કોઈ તબક્કો સારો નથી ચાલી રહ્યો, તો તેને સ્વીકારો અને તમારું કામ કરતા રહો.

આ રીતે ક્વોલિફાય કરી શકે છે RCB 
હાલ RCB માટે ક્વોલિફાય થવું ખૂબ મુશ્કેલ લાગે છે. ક્વોલિફાય થવા માટે ટીમે બાકીની બે મેચ જીતવી પડશે અને એ બાદ પણ ટીમ ત્રીજા નંબર પર રહીને ક્વોલિફાય કરી શકે છે. જો કે આ માટે એમને આશા રાખવી પડશે કે યુપી વોરિયર્સ ટૂર્નામેન્ટમાં તેમની તમામ મેચ હારી જાય અને ગુજરાત જાયન્ટ્સ તેમની બાકીની મેચોમાં એકથી વધુ મેચ જીતી ન શકે. આરસીબી આ થોડા સમીકરણો સાથે ક્વોલિફાય થવાની અપેક્ષા છે. 

How to turn a Setback into a Comeback - who better to talk about this! 🙌

Extremely grateful to @imVkohli for spending time with the team and motivating them before today’s match! 😇

Video at 9 am tomorrow! 🎥#PlayBold #ನಮ್ಮRCB #WPL2023 #UPWvRCB pic.twitter.com/wuWZkfxsAo

— Royal Challengers Bangalore (@RCBTweets) March 15, 2023

સતત પાંચ મેચ હારી હતી RCB 
RCB માટે વિમેન્સ IPLની પહેલી સિઝન અત્યાર સુધી ખૂબ જ ખરાબ રહી છે. ટીમ શરૂઆતની પાંચ મેચ હારી હતી. જેમાં RCB ટીમે તેની પહેલી મેચ દિલ્હી કેપિટલ્સ સામે, બીજી મેચ મુંબઈ ઈન્ડિયન્સ સામે, ત્રીજી મેચ ગુજરાત જાયન્ટ્સ સામે, ચોથી મેચ યુપી વોરિયર્સ સામે 10 રને અને પાંચમી મેચ દિલ્હી કેપિટલ્સ સામે હારી હતી.