એવા ઘણા લોકો છે જે પોતાની જિંદગીમાં એક વખત તો અમેરિકા કે યુરોપ જવાની ઇચ્છા ધરાવે છે જોકે ફ્લાઇટ ટિકિટ ખૂબજ મોંઘી હોવાના કારણે લોકોનો આ વિચાર માત્ર સપનું જ બની રહે છે. પરંતુ હવે તેવા લોકો માટે સારા સમાચાર આવ્યા છે. તાજેતરમાં અમેરિકન કંપની WOW એરલાઇન્સ દ્વારા દિલ્હીથી અમેરિકા અને યુરોપ માટેની પોતાની ફ્લાઇટ્માં ખાસ ઑફર શરૂ કરી છે. જેમાં તમે માત્ર 14999 રૂપિયામાં અમેરિકા-યુરોપની ટિકિટ ખરીદી શકો છો.
આ ફ્લાઇટ નોર્થ અમેરિકા અને યૂરોપને કનેક્ટક કરશે. આ એરલાઇન્સની ખાસિયત છે કે તેનું ભાડું ઘણું ઓછું હોય છે. જેમાં હવે દિલ્હીથી પણ સસ્તા ભાડાની ફ્લાઇટની ઑફર કરી રહી છે. ભારતમાં પોતાનો ગ્રાહક વર્ગ વધારવા માટે માકેર્ટિગ સ્કીમ હેઠળ આ ઓફર લઇ આવી છે આ કંપની. જોકે 14 999ની ટિકિટ ખૂબ જ લિમિટેડ હોવાથી કંપનીએ વહેલા તે પહેલાના ધોરણે ગ્રાહકોને ટિકિટ આપવાનું નક્કી કર્યું છે.
કેટલીક સીટ પર જ કંપની આપી રહી છે ઑફર:
વાસ્તવ કંપની ફ્લાઇટમાં કેટલીક મર્યાદિત સીટની ટિકિટો પર જ ઓફર કરી રહી છે. જોકે કંપનીએ કેટલીક સીટો પર તે આ ઓફર આપશે તે અંગે કોઇ સ્પષ્ટતા કરી નથી. જોકે આ સાથે કંપનીએ શરત મૂકી છે કે આવી ટિકિટ લેનાર વ્યકિતને સામાનનો ફ્રી એક્સેસ નહી મળે. એટલે કે તમારા દરેક સામાન માટે તમારે ચાર્જ ચૂકવવો પડશે. તેમજ ફ્લાઇટમાં ખાવાનું પણ ફ્રીમાં નહી હોય. તે માટે પ્રવાસીએ પોતાનું ખાવાનું ખિસ્સામાંથી ખર્ચીને ખરીદવુ પડશે.
કંપનીનો દાવો છે કે પ્રવાસી આ ખાસ ઓફરની ટિકિટ લીધા પછી પોતાના સામાન માટે લગેજ ભાડુ અને ઓનબોર્ડ મીલના રુપિયા ચુકવશે તો પણ તેનો ટોટલ ખર્ચ બીજી એરલાઇન્સની ટિકિટ ખરીદવા 20-25% જેટલો ઓછો થશે. હાલ કંપની દિલ્હીથી સપ્તાહમાં અમેરિકા માટે 3 ફ્લાઇટ્સ ઓપરેટ કરી રહી છે.