T20 World Cup 2022 / તારા માટે ગોળી ખાઈ લેત પણ...: હાર્દિક પંડ્યાએ વિરાટ કોહલી માટે કરી દિલ જીતી લે તેવી વાત 

• ભારતે T20 વર્લ્ડ કપના ઈતિહાસમાં રેકોર્ડ છઠ્ઠી વખત પાકિસ્તાનને હરાવ્યું
• ચાર વિકેટ પડી ગયા બાદ હું ખરેખર ખૂબ દબાણમાં હતો: વિરાટ કોહલી 
• હું ગોળી ખાઈ લઇશ પણ વિરાટને આઉટ નહીં થવા દઉં: હાર્દિક પંડયા 

ભારતીય ક્રિકેટ ટીમે T20 વર્લ્ડ કપના ઈતિહાસમાં રેકોર્ડ છઠ્ઠી વખત પાકિસ્તાનને હરાવ્યું. વિરાટ કોહલી અને હાર્દિક પંડ્યાની શાનદાર ઇનિંગ્સ અને ભારતીય બોલરોની ધારદાર બોલિંગની મદદથી ટીમ ઇન્ડિયાએ મેલબોર્નમાં પાકિસ્તાન સામે ચાર વિકેટે રોમાંચક જીત નોંધાવી હતી. આ જીત સાથે ભારતે દુબઈમાં છેલ્લા ટી20 વર્લ્ડ કપમાં પાકિસ્તાનના હાથે મળેલી હારનો બદલો પણ લઈ લીધો હતો.

મહત્વનું છે કે, આ જીત ભારત માટે સરળ ન હતી અને પાકિસ્તાનના 160 રનના લક્ષ્યનો પીછો કરતી વખતે ભારતે 31ના સ્કોર પર પોતાની ચાર વિકેટ ગુમાવી દીધી હતી. પરંતુ આ પછી વિરાટ કોહલી (82*)એ હાર્દિક પંડ્યા (40) સાથે મળીને ન માત્ર ટીમને પુનર્જીવિત કરી પરંતુ સદીની ભાગીદારીને પણ જીતની ઉંબરે પહોંચાડી. આ પછી કોહલીએ પોતાનું વિરાટ પરફોર્મન્સ બતાવ્યું અને છેલ્લી ઓવરમાં પાકિસ્તાનની મુઠ્ઠીમાંથી જીત છીનવી લીધી.

BCCIએ શેર કર્યો વિડીયો 

વિરાટે બેટિંગમાં પોતાનું સર્વશ્રેષ્ઠ પ્રદર્શન કર્યું તો હાર્દિકે ફરી એકવાર ઓલરાઉન્ડર તરીકે પોતાને સાબિત કરી બતાવ્યું. મેચ બાદ બંને ખેલાડીઓ વચ્ચેની વાતચીતનો વીડિયો પણ BCCIએ શેર કર્યો હતો. જેમાં બંને ખેલાડીઓ મેચમાં પોતાના પ્લાનિંગ વિશે વાત કરતા જોવા મળ્યા હતા. બીસીસીઆઈ દ્વારા શેર કરવામાં આવેલા વીડિયોમાં હાર્દિકે વિરાટના વખાણ કર્યા હતા અને કોહલીએ બે સિક્સરને શ્રેષ્ઠ ગણાવી હતી. હાર્દિકે કહ્યું કે, તે આટલી બધી મેચ રમ્યો પરંતુ આટલી પ્રેશર મેચમાં આવો શોટ ક્યારેય જોયો નથી. આ સાથે વિરાટે પણ હાર્દિકના વખાણ કર્યા અને જણાવ્યું કે, કેવી રીતે ભારતીય ઓલરાઉન્ડરે તેને એકસાથે સમજાવ્યો અને ભાગીદારી માટે યોજના બનાવી.

Of special knocks, game-changing sixes & thrilling victory at the MCG! 👌 💪

𝗦𝗽𝗲𝗰𝗶𝗮𝗹: Men of the moment - @imVkohli & @hardikpandya7 - chat after #TeamIndia beat Pakistan in the #T20WorldCup. 👏 👏 - By @RajalArora

Full interview 🎥 🔽 #INDvPAKhttps://t.co/3QKftWa7dk pic.twitter.com/sK7TyLFcSI

— BCCI (@BCCI) October 24, 2022

શું કહ્યું વિરાટ કોહલીએ ? 

વિરાટે કહ્યું કે, મેં મારી 15 વર્ષની કારકિર્દીમાં આવી ઘણી પ્રેશર મેચો રમી છે પરંતુ ચાર વિકેટ પડી ગયા બાદ હું ખરેખર ખૂબ દબાણમાં હતો અને શોટ મારવાનું વિચારી રહ્યો હતો. પરંતુ હાર્દિકે ક્રિઝ પર પહોંચ્યા પછી મને સમજાવ્યો અને કહ્યું કે આપણે પહેલા ભાગીદારી બનાવીશું અને ધીમે ધીમે ઇનિંગ્સ બનાવીશું. 

હાર્દિક પંડયાએ શું કહ્યું ? 

કોહલીએ હાર્દિકને પૂછ્યું કે જ્યારે તે બેટિંગ કરવા આવ્યો ત્યારે તેના મગજમાં શું હતું ? આ અંગે હાર્દિકે કહ્યું કે. જ્યારે તે બેટિંગ કરવા આવી રહ્યો હતો ત્યારે રાહુલ સર (રાહુલ દ્રવિડ)એ તેને સંયમથી રમવાનું કહ્યું હતું. પરંતુ તેણે કહ્યું કે હું શાંત છું અને આવી તકની રાહ જોઈ રહ્યો હતો. હાર્દિકે વાતચીતમાં કહ્યું કે મેં વિચાર્યું હતું કે ગમે તે થાય, હું વિરાટને બહાર નહીં નીકળવા દઉં. પંડ્યાએ તો ત્યાં સુધી કહ્યું કે હું તે સમયે એ વિચારીને આવ્યો હતો કે હું ગોળી ખાઈ લઇશ પણ વિરાટને આઉટ નહીં થવા દઉં.  કેમ કે તમે એકલા જ છો જે મેચ જીતાડી શકતા હતા.