PM મોદીને મળ્યાના બીજા જ દિવસે સીએમ મમતા બેનરજીએ મોદી સરકાર પર પ્રહાર કર્યાં છે. દિલ્હીની મુલાકાતે આવેલા મમતાએ જણાવ્યું કે દેશમાં આજે ઈમરજન્સી કરતા પણ ગંભીર સ્થિતિ છે.
PM મોદીને મળ્યાના બીજા જ દિવસે મમતા બેનરજીનો પ્રહાર
દેશમાં આજે ઈમરજન્સી કરતા પણ ગંભીર સ્થિતિ
સારા દિવસો જોવા માંગીએ છીએ-મમતા
2024 ની ચૂંટણીમાં આખા દેશમાં ખેલા હોબે થશે
દિલ્હીની પાંચ દિવસની મુલાકાતે આવેલા મમતા બેનરજીએ જણાવ્યું કે મારો ફોન હેક કરવામાં આવ્યો, અભિષેક અને પીકેનો પણ ફોન હેક કરવામાં આવ્યો. દેશમાં હવે અભિવ્યક્તિની આઝાદી જેવું કંઈ રહ્યું નથી.
દેશમાં ઈમરજન્સી કરતા પણ વધારે ગંભીર હાલત
બેનરજીએ કહ્યું કે પેગાસસ એક ખતરનાક વાયરસ છે જેના દ્વારા અમારી સુરક્ષાને ખતરામાં નાખવામાં આવી રહી છે. સંસદમાં પણ કામ થઈ રહ્યું નથી. વિપક્ષના અવાજ દબાવાઈ રહ્યો છે. હાલમાં દેશમાં ઈમરજન્સી કરતા પણ વધારે ગંભીર હાલત છે.
અમે સંસદ સત્ર બાદ તમામ રાજકીય દળો સાથે મળીને વાત કરીશું
વિપક્ષી એકતા પર મમતા બેનરજીએ કહ્યું કે પૂરી સિસ્ટમ રાજકીય પાર્ટીઓ પર નિર્ભર છે જો કોઈ લીડ કરે તો મને કોઈ વાંધો નથી. હું મારો અભિપ્રાય કોઈની પર થોપવા માગતી નથી. મમતાએ કહ્યું કે ઘણા રાજ્યોમાં વિધાનસભાની ચૂંટણી આવી રહી છે. અમે સંસદ સત્ર બાદ તમામ રાજકીય દળો સાથે મળીને વાત કરીશું.
હવે આખા દેશમાં ખેલા હોબે
મમતાએ કહ્યું કે તમામ વિપક્ષી નેતાઓ સાથે મારા સારા સંબંધો છે. જો રાજકીય આંધી ચાલશે તો તેને કોઈ રોકી નહીઁ શકે. તેમણે કહ્યું કે હવે ખેલા હોબેની ગૂંજ આખા દેશમાં સંભળાશે. અમે હવે સારા દિવસો જોવા માંગીએ છીએ. ઘણા દિવસથી સારા દિવસની પ્રતિક્ષા છે.