નવી ચિંતા / બ્લેક ફંગસના 17 દર્દીઓમાં જોવા મળ્યો આ નવા વાયરસનો હુમલો, જાણો લક્ષણો અને કઈ બીમારીના દર્દીઓએ રહેવું પડશે સાવધાન

•  બ્લેક ફંગસના 17 દર્દીઓમાં જોવા મળ્યો આ નવા વાયરસનો હુમલો
• 17 દર્દીઓમાં હાલમાં એસ્પરજિલસ ફંગસની અસર જોવા મળી
• જાણો લક્ષણો અને કઈ બીમારીના દર્દીઓએ રહેવું પડશે સાવધાન

હવે બ્લેક ફંગસના દર્દીમાં એસ્પરજિલસ ફંગસનો ખતરો વધી રહ્યો છે. લખનઉમાં અત્યાર સુધી આ દર્દીના 17 કેસ મળી આવ્યા છે. 2 રીતના આ ફંગસ 30-45 વર્ષના યુવાઓમાં વધારે જોવા મળી રહ્યા છે. આ બંને ફંગસના લક્ષણો સમાન છે. આ ફંગસની ઓળખ ફંગલ કલ્ચર અને સાઈનસ નેઝલ એન્ડોસ્કોપિક બાયોપ્સીથી થાય છે. બ્લેક ફંગસના દર્દીમાં એસ્પરજિલસની પુષ્ટિ થઈ રહી છે. 

એસ્પરજિલસ બ્લેક ફંગસથી ઓછી ખતરનાક
આ ફંગસ કોવિડ અને બ્લેક ફંગસના 3 દર્દીમાં જોવા મળ્યું છે. એડમિટ થનારા દર્દીમાં ફંગસના લક્ષણ કોરોનાથી મુક્ત થયા બાદ એક અઠવાડિયા બાદ જોવા મળ્યા છે. ડોક્ટર્સ કહે છે કે સારી વાત એ છે કે એસ્પરજિલસ બ્લેક ફંગસથી ઓછી ખતરનાક છે. તે શરીરને પ્રમાણમાં ઓછુ નુકસાન કરે છે. તેની સારવાર દવાઓથી શક્ય છે. પરંતુ ઝડપથી 17 કેસ આવતા થોડી ચિંતા પણ વધી રહી છે.  

ખૂબ જૂનું છે આ ફંગસ
મળતી માહિતી અનુસાર એસ્પરજિલસ ફંગસની ઓળખ ફંગલ કલ્ચર અને બાયોપ્સીથી કરી શકાય છે. હજુ સુધી 17 કેસ જોવા મળ્યા છે. આ ફંગસ ઓછી રોગ પ્રતિરોધક ક્ષમતા વાળા લોતોને અસર કરે છે. પોસ્ટ કોવિડ દર્દીમાં આ ફંગસ વધારે જોવા મળે  છે. સંયમિત જીવનશેલી વાળા લોકો આ ફંગસથી બચી શકે છે.  

કયા રોગના દર્દીઓએ આ ફંગસથી રહેવું પડશે સાવધાન

• ડાયાબિટિસના દર્દીઓ
• એચઆઈવી
• કેન્સર
• અસ્થમા
• કોરોના બીમારી દરમિયાન ઓક્સીજન લઈ ચૂકેલા દર્દીઓ

જાણો શું છે એસ્પરજિલસ ફંગસના લક્ષણો

• આંખોમાં દર્દ રહેવું
• આંખો લાલ થવી
• અડઘા માથામાં દર્દ થવું
• પાંપણો ઝૂકી જવી કે સોજા આવવા
• આંખનું પોતાની જગ્યાએથી બહાર આવવું
• અચાનક આંખની રોશની ઘટી જવી
• આંખ સિવાય નાકમાંથી પણ લોહી વહેવું
• મોઢું વાંકુ થઈ જવું
• સ્કીન પર કાળા પોપટા જામી જવા